ހުސެން ސޮލާހުއްދީން
ގައުމިއްޔަތަށް ހިދުމަތް ކުރުމުގެ މަތިވެރި ޝަރަފު ސޮލާހުއްދީނަށް އަރުވައިފި
ދިވެހި ގައުމިއްޔަތަށް ހިދުމަތް ކުރުމުގެ އެންމެ މަތިވެރި ޝަރަފު، ދިވެހިބަހުގެ މަޝްހޫރު އިލްމުވެރިޔާ ހުސެން ސޮލާހުއްދީނުގެ ހަނދާނަށް އަރުވައިފި އެވެ.
ވީ ކިހިނެއް؟ - ސޮލާހުއްދީނުގެ ހަނދާނަށް މި ޝަރަފު އެރުވީ ގައުމީ ދުވަހުގެ މުނާސަބަތުގައި ދަރުބާރުގޭގައި މިއަދު ބާއްވަމުންދާ ހަފްލާގަ އެވެ.
ތަފްސީލް- ގައުމިއްޔަތު ދިރުވާ އާލާ ކުރުމަކީ ސަރުކާރުގެ އެންމެ މުހިއްމު އެއް ސިޔާސަތު ކަމަށްވާއިރު ގައުމިއްޔަތުގެ އެކި ބަހާތަކާއި އަސާސްތަކަށް އެކި ރޮނގު ރޮނގުން ހިދުމަތް ކުރައްވާފައިވާ ބޭފުޅުންގެ ހިދުމަތުގެ އަގު ގައުމީ ފެންވަރުގައި ވަޒަންކޮށް އެ ބޭފުޅުންނަށް ހައްގު ޝަރަފު އެރުވުމަކީ މުހިއްމު ކަމެއް ކަމަށް ރައީސް އޮފީހުން ބުންޏެވެ.
މިއަދު ސޮލާހުއްދީނަށް މި ޝަރަފު އެރުއްވީ އިސްލާމްދީނާއި ދިވެހި ބަސް އަދި ތަރިކަ އާއި ސަގާފަތަށް އޭނާ ކޮށްދެއްވާފައިވާ ގައުމީ ހިދުމަތަށްޓަކާ އެވެ.
އެ ރޮނގުތަކުން ދިވެހިންގެ ވިސްނުމާއި ފިކުރީ ތަރައްގީއަށް ސޮލާހުއްދީން ކޮށްދެއްވާފައިވާ ހިދުމަތަކީ އެ ޝަރަފު އެރުވުމަށް ރައީސް ނިންމެވި ސަބަބެއް ކަމަށް ރައީސް އޮފީހުން ބުންޏެވެ.
— The President's Office (@presidencymv) September 4, 2024
ހުސެން ސޮލާހުއްދީނަކީ ދީނީ އިލްމުވެރިއެއްގެ އިތުރުން ދިވެހި އަދަބިއްޔާތަށް ވެސް ގިނަ ހިދުމަތްތަކެއް ކުރައްވާފައިވާ ބޭފުޅެކެވެ.
އުމުރުފުޅުން އެންމެ 18 އަހަރުފުޅުގައި ބަންޑާރަ ނައިބުކަން ވެސް އަދާކުރެއްވި ސޮލާހުއްދީން ވަނީ އުއްތަމަ ފަނޑިޔާރުކަން ވެސް ކުރައްވައިފަ އެވެ.
ރާއްޖޭގެ ދިވެހި އިސްލާމީ ތައުލީމުގެ ބައްޕަ އަދި މަދުރަސީ ތައުލީމުގެ ބާނީ ސޮލާހުއްދީން ގެ އެންމެ ފާހަގަ ކުރެވޭ އެއް މަސައްކަތަކީ ރަސޫލާގެ ސިޔަރަތު ދިވެހިންނާއި ހަމައަށް ގެނެސްދިނުމަށް ކޮށްދެއްވާ ފައިވާ މަސައްކަތްޕުޅެވެ.
ގުޅުން ހުރި - ސޮލާހުއްދީނުގެ ހަނދާނަށް އެރުވި މަތިވެރި ޝަރަފާ ހަވާލުވެ ވަޑައިގަތީ އެމަނިކުފާނަށް ކާފަ ވިދާޅުވާ ބޭފުޅުންގެ ތެރެއިން
-
ހުސެން ޝިހާބު
-
އުއްތަމަ ފަނޑިޔާރު މުއުތަސިމް އަދުނާން
-
އަހުމަދު ޝިހާބް
-
އިސްމާއިލް ޝަރީފް
ކޮމެންޓް (2)
ބޭފުޅިޒަމް
އާދަމް