ޔާމީން އޭނާގެ ހަށިގަނޑު ދައްކާލަނީ. ކިޑްނީ ފެއިލް ވެގެން މިހާރު އޭނާ ދަނީ ފަރުވާ ހޯދަމުން
'މިސްޓަ މޯލްޑިވްސް' ޔާމީންގެ ދެ ކިޑްނީ ފެއިލްވެ ފަރުވާ ހޯދަނީ
'މިސްޓާ މޯލްޑިވްސް'ގެ މަގާމު ހަތަރު ފަހަރަށް ހޯދާފައިވާ، އަދި މިހާރު ވެސް އެ މަގާމުގައި ހުރި ބޮޑީބިލްޑަރު މުހައްމަދު ޔާމީން (ޔާމްބެ)ގެ ދެ ކިޑްނީ ފެއިލްވެ، ފަރުވާ ހޯދަން ފަށައިފި އެވެ.
ވީ ކިހިނެއް؟- ޔާމީން މިއަދު 'ދައުރު'އަށް ބުނިގޮތުގައި ކިޑްނީ ފެއިލްވިކަން އޭނާއަށް އެނގުނީ މީގެ މަހެއްހާ ދުވަސް ކުރިންނެވެ. ބަލީގެ އަލާމާތްތައް ކުރިން މަދުމަދުން ފެނުނު ނަމަވެސް، ފަހުން އައިސް މީހާގެ މޫނު މާބޮޑަށް ދުޅަވެ، ބޮލުގައި މާބޮޑަށް ރިއްސަން ފެށުމުން ޓެސްޓު ހެދި އިރު ދެ ކިޑްނީ ވެސް މަސައްކަތް ނުކުރާކަން އެނގުނީ ކަމަށް ބުންޏެވެ.
"ހަގީގަތުގައި އަޅުގަނޑު އުޅޭ ދާއިރާގެ ގޮތުން މި ބަލި ކުރިން ޑިޓެކްޓް ނުކުރެވުނީ. ހީކުރީ މިއީ މުބާރާތް ނިންމާލާފައި ޑައިޓަށް ގެނައި ބަދަލުގެ ސަބަބުން ވާންފެށި ގޮތެއް ކަމަށް،" 36 އަހަރުގެ ޒުވާނާ ބުންޏެވެ.
މިދިޔަ ޖޫންމަހު ދެކުނު އޭޝިއާގެ ބޮޑީބިލްޑިން މުބާރާތުގައި ހޯދި ރިހި މެޑަލްއަށް ފަހު، އަރާމުކޮށްލަން ބްރޭކެއް ނަގައިގެން ހުރި ޔާމީން ބުނީ، ކިޑްނީގެ ބައްޔަށް މިދިޔަ މަސް ދުވަހުގެ ތެރޭގައި ފަރުވާ ހޯދި ނަމަވެސް ކުރިއެރުމެއް އައިސްފައި ނުވާ ކަމަށެވެ. އެހެންވެ، ހުރިހާ ޑޮކްޓަރުން ވެސް މިހާރު އިރުޝާދު ދެނީ ކިޑްނީ ޓްރާންސްޕްލާންޓް ހެދުމަށް ކަމަށް އޭނާ ބުންޏެވެ.
އެނގުން މުހިއްމު- ރާއްޖޭގައި، އެންމެ މޮޅު ބޮޑީބިލްޑަރު ނުވަތަ 'މިސްޓަ މޯލްޑިވްސް'ގެ މަގާމު އެންމެ ގިނައިން ހޯދާފައިވަނީ ޔާމީނެެވެ. ހަތަރު ފަހަރަކު އެ މަގާމު ހޯދާފައިވާއިރު އޭގެ އިތުރުން އޭނާއަށް ލިބިފައިވާ ކާމިޔާބީތަކަކީ:
-
ދެކުނު އޭޝިއާގެ ބޮޑީބިލްޑިން މުބާރާތުން ރަން މެޑަލް އާއި ރިހި މެޑަލް
-
އޭޝިއަން ޗެމްޕިއަންޝިޕްްގެ ރަން މެޑަލް
-
ވޯލްޑް ޗެމްޕިއަންޝިޕްގައި ދެ ބްރޯންޒް މެޑަލް
"ބަލިކަން އެނގުނީމައި ވަރަށް ދެރަވެއްޖެ. އެކަމަކު ހަގީގަތުގައި އެ ބަލި ނޭނގުނީ، ބޮޑީބިލްޑިން އާއި ގަދައަށް ކަސްރަތު ކުރާ މީހުންގެ ލޭގެ ބައެއް މާއްދާތައް، އެހެން މީހުންނަށް ވުރެ ގިނަވާއިރު، އަޅުގަނޑުމެންނަށް ކިޑްނީގެ ބައްޔާ ތަފާތު ދެނެނުގަނެވުނީ،" ކުޑަ ފިރިހެން ކުއްޖެއް ހުންނަ ޔާމީން ބުންޏެވެ.
"މިހެން އުޅެލާފައި ދޭތެރެއަކުން ލޭގެ ޓެސްޓު ވެސް ހަދަން. ބައެއް ބައިތައް ގިނަ ނަމަވެސް، މިބުނިހެން ވުމުން ނޭނގުނީ."
ކިޑްނީ ބައްޔަށް ފަރުވާ ކުރުމަށް މި ސެޕްޓެމްބަރު މަހު ނުވައެއްގައި ޔާމީން އަންނަނީ ރާއްޖޭން ބޭރަށް ފުރުމަށް ތައްޔާރުވަމުންނެވެ. މިއީ ހަރަދުބޮޑު ފަރުވާއަކަށްވުމުން، އޭނާ ވަނީ އާއްމުންގެ އެހީތެރިކަމަށް އެދިފަ އެވެ. ޔާމީން ނިސްބަތްވާ، ށ. ފުނަދޫގެ ޖަމިއްޔާއަކުން ވެސް މިހާރު ވަނީ، އޭނާއަށް އެހީ ހޯދުމަށް ފަންޑްރެއިޒިން ޕްރޮގްރާމެއް ފަށާފަ އެވެ.
ޔާމީންއަށް އެހީވުމަށް:
-
7770000138064 ރުފިޔާ
-
7730000569416 ޑޮލަރު
-
އެކައުންޓު ނަން: މުހައްމަދު ޔާމީން
ކޮމެންޓް (4)
ޙަސަނަ
ނާނު
މިހާލު
ދަބަރޭ