ހައިދަރު މަޖިލީހަށް ހާޒިރުނުވުމުން ގޯއްޗާއި ފްލެޓްތަކާ ގުޅޭގޮތުން ސުވާލެއް ނުކުރެވުނު

ރައީސް އިބްރާހިމް މުހައްމަދު ސޯލިހުގެ ސަރުކާރުގައި ބިންވެރިޔާ ސްކީމްގެ ދަށުން ގޯތި ދިން މީހުންނަށް ބިން ހަވާލުކުރުމާއި ގެދޮރުވެރިޔާ ސްކީމްގެ ފްލެޓްތަކާ ގުޅޭގޮތުން ހައުސިން މިނިސްޓަރު ޑރ. އަލީ ހައިދަރު އަހުމަދާ ރައްޔިތުންގެ މަޖިލީހުގައި މިއަދު ސުވާލުކުރަން އެޖެންޑާކުރި ނަމަވެސް، މިނިސްޓަރު ހާޒިރުނުވުމުން އެކަން ކުރިއަކަށް ނުގެންދެވުނެވެ.

އެކަމާ ގުޅޭގޮތުން ސުވާލުކުރައްވަން ބޭނުންވީ ގަލޮޅު އުތުރު ދާއިރާގެ އެމްޑީޕީ މެންބަރު މުހައްމަދު އިބްރާހީމް އެވެ.

ތަފްސީލް - ޖަލްސާ ފައްޓަވަމުން މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވީ އާއިލީ ޒިންމާއެއް މެދުވެރިވެ، މިނިސްޓަރަށް ހާޒިރުނުވެވޭނެ ކަމަށް އަންގާފައިވާ ކަމަށެވެ.

ހައުސިން މިނިސްޓަރާ ތިން ސުވާލެއް ކުރަން ޖަލްސާގައި ވަނީ އެޖެންޑާކޮށްފަ އެވެ. އެއީ:

ފާހަގަކޮށްލެވޭ - ކުރީގެ ސަރުކާރުގެ ގެދޮރުވެރިޔާ ސްކީމްގެ ދަށުން ފްލެޓް ލިބޭނެ ކަމަށް ގެޒެޓް ކޮށްފައިވާ ލިސްޓު ބާތިލު ނުކުރުމަށް އެދި މަޖިލީހަށް ހުށަހަޅާފައިވާ ޕެޓިޝަނާ ގުޅޭގޮތުން ހައުސިން މިނިސްޓްރީގެ އިސްވެރިންނާ ބައްދަލުކުރުމަށް ޕެޓިޝަން ކޮމެޓީއަށް ހާޒިރުވާން އެންގުމުން އެ ދުވަހު ވެސް ހައިދަރު ވަޑައެއްނުގަންނަވަ އެވެ.

އެ ދުވަހު ހައިދަރު ކޮމެޓީއަށް އެންގެވީ ހާޒިރުނުވެވުނީ ކެބިނެޓް ބައްދަލުވުމެއްގައި އިންނެވުމުގެ ސަބަބުން ކަމަށެވެ.