ސާކްގެ ސެކްރެޓަރީ ޖެނެރަލް ރާއްޖެ ވަޑައިގެންފި

ދެކުނު އޭޝިއާގެ ގައުމުތައް ނިސްބަތްވާ ޖަމިއްޔާ، ސައުތު އޭޝިއަން އެސޯސިއޭޝަން ފޯ ރީޖަނަލް ކޯޕަރޭޝަން (ސާކް)ގެ ސެކްރެޓަރީ ޖެނެރަލް އެމްޑީ ގޮލަމް ސަރުވާރު މިއަދު ރާއްޖެ ވަޑައިގެންފި އެވެ.

ވީ ކިހިނެއް؟ - މިއީ މިދިޔަ އޮކްޓޯބަރު މަހު މަގާމާ ހަވާލުވެވަޑައިގެންނެވި ސަރުވާރު ތައާރަފްވެވަޑައިގަތުމުގެ ގޮތުން ކުރައްވާ ދަތުރުފުޅެކެވެ.

ތަފްސީލު - ސާކްގެ 15 ވަނަ ސެކްރެޓަރީ ޖެެނެރަލްގެ މި ދަތުރުފުޅާ ގުޅޭގޮތުން ފޮރިން މިނިސްޓްރީން މިއަދު ނެރުނު ނޫސް ބަޔާނެއްގައި ބުނިގޮތުގައި:

ސަރުވާރުގެ މި ދަތުރުފުޅުގައި އޭނާގެ އަނބިކަނބަލުން ތަސްލީމާ ސަރުވާރު އާއި ސާކް ސެކްރެޓޭރިއެޓްގެ ޑިރެކްޓަރު ޝާހިޔާ އަލިމަނިކު އަދި ބަވެޝް ރ. ޓްރިވެޑީ ބައިވެރިވަޑައިގަންނަވަ އެވެ.

އެނގުން މުހިންމު - ސާކް އެކުލެވިގެންވަނީ ރާއްޖެ ހިމެނޭ ގޮތަށް ދެކުނު އޭޝިއާގެ އަށް ގައުމުގެ މައްޗަށެވެ. އެ ޖަމިއްޔާގެ މައި އޮފީސް ނޭޕާލްގެ ވެރިރަށް ކަތަމަންޑޫގައި ގާއިމްކޮށްފައިވަނީ 17 ޖެނުއަރީ 1987ގަ އެވެ. ރާއްޖޭގެ ކުރީގެ ބަންޑާރަ ނައިބު ދިޔާނާ ސައީދު ވަނީ މި ޖަމިއްޔާގެ ފުރަތަމަ އަންހެން ސެކްރެޓަރީ ޖެނެރަލްކަން ކުރައްވައިފަ އެވެ. އޭގެ އިތުރުން އަހުމަދު ސަލީމް އާއި ކުރީގެ މިނިސްޓަރު އިބްރާހިމް ހުސައިން ޒަކީ ވެސް ސާކްގެ އެންމެ އިސް މަގާމު ފުރުއްވާފައިވެ އެވެ.