ހަނިމާދޫ އެއާޕޯޓުގެ ރަންވޭގައި ފަލައިޓެއް: އެއާޕޯޓުގެ ހިނގި މާރާމާރީގައި ހައްޔަރު ކުރި މުވައްޒަފަކު ވަނީ ބަންދުކޮށްފައި (ފައިލް ފޮޓޯ/ ރީޖަނަލް އެއާޕޯޓްސް)
ހަނިމާދޫ އެއާޕޯޓު މާރާމާރީ: ހައްޔަރު ކުރި މީހާގެ ބަންދަށް 15 ދުވަސް ދީފި
ހދ. ހަނިމާދޫ އިންޓަނޭޝަނަލް އެއާޕޯޓުގައި މާރާމާރީ ހިންގި މައްސަލައެއްގައި ހައްޔަރު ކުރި މީހާގެ ބަންދަށް 15 ދުވަސް ދީފި އެވެ.
ވީ ކިހިނެއް؟ - އެއާޕޯޓް ބޮޑުކުރުމުގެ މަސައްކަތުގައި ހަރަކާތްތެރިވާ އިންޑިއާގެ ކުންފުނީގެ ދެ މުވައްޒަފެއްގެ ދެމެދު މިދިޔަ ހުކުރު ދުވަހުގެ ރޭ ހިންގި މާރާމާރީގައި އެކަކަށް ވަނީ އަނިޔާވެފަ އެވެ. އަދި އެކަކު ފުލުހުން ހައްޔަރުކުރި އެވެ.
ފުލުހުންގެ ބަސް - ފުލުހުންގެ މިއަދު މީޑިއާތަކަށް ފޮނުވި މެސެޖެއްގައި ބުނީ، މާރާމާރީގައި ހައްޔަރު ކުރި މީހާގެ ބަންދާ މެދު ގޮތެއް ނިންމުމަށް ކޯޓަށް ހާޒިރު ކުރުމުން 15 ދުވަހު އޭނާ ބަންދުގައި ބެހެއްޓުމަށް އަމުރުކޮށްފައިވާ ކަމަށެވެ.
ފުލުހުން މީގެ ކުރިން ބުނެފައިވާ ގޮތުގައި، މި މާރާމާރީ ހިންގާފައި ވަނީ ހަތިޔާރު ބޭނުންކޮށްގެންނެވެ.