ވޯލްޑް ކްލީންއަޕް ޑޭ ފާހަގަކުރަން ކުރިން ބޭއްވި ހަރަކާތެއް. (ފޮޓޯ/ލެޓްސް ޑޫ އިޓް މޯލްޑިވްސް)
ސާފު ކުރުމުގެ ބޮޑު ހަރަކާތަކާ އެކު ވޯލްޑް ކްލީންއަޕް ޑޭ އަންނަ މަހު 20ގައި
ވޯލްޑް ކްލީންއަޕް ޑޭ ފާހަގަކުރަން ރާއްޖޭގައި ވެސް ސާފުކުރުމުގެ ހަރަކާތެއް ކުރިއަށް ގެންދަން ނިންމައިފި އެވެ.
ވީ ކިހިނެއް؟ - މި އަހަރުގެ ވޯލްޑް ކްލީންއަޕް ޑޭގެ ހަރަކާތްތައް އޮންނާނީ 20 ސެޕްޓެމްބަރުގަ އެވެ.
ދުނިޔޭގެ އެކި ސަރަހައްދުތަކުން އެތައް ހާސް ވޮލަންޓިއަރުންނާއި ޕާޓްނަރުން އެ ހަރަކާތުގައި ބައިވެރިވެ ގޮނޑުދޮށްތަކާއި މަގުތަކާއި ޖަންގަލިތަކާއި ކޯރުތަކުން ކުނި ނަގާ ސާފުކުރާނެ އެވެ.
ތަފްސީލް - ދުނިޔޭގެ 211 ގައުމުން ބައިވެރިވާ މި ހަރަކާތް ރާއްޖޭގައި ކުރިއަށް ގެންދާނީ 'ލެޓްސް ޑޫ އިޓް މޯލްޑިވްސް' އިންނެވެ. ރާއްޖޭގައި މި ހަރަކާތް 2018އިން ފެށިގެން ކޮންމެ އަހަރަކު ވެސް ބާއްވަ އެވެ.
މި އަހަރުގެ ހަރަކާތް ރަސްމީކޮށް ރާއްޖޭގައި ކުރިއަށް ގެންދާނީ ކ. ދިއްފުށީގަ އެވެ. އެ ދުވަހު ރާއްޖޭގެ ރިސޯޓުތަކާއި އެންޖީއޯތަކާއި ރަށްރަށުގެ ކައުންސިލްތަކާ ގުޅިގެން އެކި ސަރަހައްދުތަކުގައި ވެސް ކްލީންއަޕް ޑޭ ފާހަގަކުރަން ސާފު ކުރުމުގެ ހަރަކާތްތައް އޮންނާނެ އެވެ.
އެނގުން މުހިއްމު - ރާއްޖެއަކީ ސާފު ތަނެއްގެ ގޮތުގައި ބާއްވަން ކުރާ މަސައްކަތުގައި ހިލޭސާބަހަށް ބައިވެރިވާން ލެޓްސް ޑޫ އިޓް މޯލްޑިވްސް އިން ދައުވަތު ދެ އެވެ.