އަނަސްއަށްޓަކައި މީދޫގެ މަގުތައް އަނދިރިކޮށްލައިފި

މާލޭގެ މަގުމަތީގައި ފަހާ ދުވެ ގޮސް، ރަހުމުކުޑަ ގޮތަކަށް ވަޅިން ހަމަލާދީ މަރާލި މުހައްމަދު އަނަސްގެ މަރަށް އިންސާފު ނުލިބި ހަތް އަހަރުވެފައިވާތީ، އޭނާގެ އުފަން ރަށް، ރ. މީދޫ ކުޑަ ވަގުތުކޮޅަކަށް ރޭ އަނދިރިކޮށްލައިފި އެވެ.

ވީ ކިހިނެއް؟ - އަނަސް، ފެންފިޔާޒުގެ/ރ. މީދޫ، އަނިޔާވެރި ގޮތަކަށް މަރާލީ 31 ޖުލައި 2017ގަ އެވެ. މި މައްސަލާގައި އަށް މީހެއްގެ މައްޗަށް ދައުވާކުރި އިރު، ކުށް ސާބިތުވީ އެންމެ މީހަކަށެވެ. އެއީ އެ މައްސަލާގައި ހައްޔަރުކުރި އިރު 18 އަހަރު ނުފުރޭ ކުޑަކުއްޖާގެ މައްޗަށެވެ. މިދިޔަ ސަރުކާރުގައި އޭނާގެ ޖަލު ހުކުމަށް ރައީސް އިބްރާހިމް މުހައްމަދު ސޯލިހް ވަނީ މައާފް ދެއްވައިފަ އެވެ.

ދެން މި މައްސަލާގައި ހިމެނޭ ހަތް މީހުންގެ މައްޗަށް ކުށް ސާބިތުނުވާ ކަަމަށް މިދިޔަ ފެބްރުއަރީ މަހު ކްރިމިނަލް ކޯޓުން ހުކުމް ކުރުމުން، އަނަސްގެ މަރަށް ހަ އަހަރު ފަހުން އެ އެންމެން މިހާރު ވަނީ މިނިވަންވެފަ އެވެ. 

ތަފްސީލް - ރަށުގައި ލޯންޗު ކެޕްޓަނެއްގެ ގޮތުގައި މަސައްކަތް ކުރި އަނަސްްގެ މަރަށް އިންސާފު ލިބިފައި ނުވާތީ، އެކަމާ ދެކޮޅަށް އިހްތިޖާޖް ކުރުމުގެ ގޮތުން ރޭ 15 މިނިޓަށް މީދޫ ވަނީ އަނދިރިކޮށްލާފަ އެވެ. ރަށުގެ މަގުބައްތިތައް ނިވާލީ، އޭނާ މަރާލި ވަގުތާ ދިމާވާ ގޮތަށް ރޭ 9:15-9:30 އަށެވެ.

އަދި ރަށުގެ ގިނަ ބަޔަކު ވަނީ އެކަމާ ދެކޮޅަށް ސޯޝަލް މީޑިއާގައި އަޑު އުފުލާފަ އެވެ.

އެ ރަށުން ވާހަކަ ދެއްކި މީހުން ބުނިގޮތުގައި އަނަސްގެ މަރުގެ ހަބަރާ އެކު މީގެ ހަތް އަހަރު ކުރިން ވެސް އެ ރަށަށް ވެރިވީ ހަމަ އެ ބަނަކަމާއި އަނދިރިކަމެވެ.

"އަދި މިއަދު ވެސް އިންސާފު ނުލިބި ރައްޔިތުން ތިބީ އެ އަނދިރިކަމުގައި،" ބޮކިތައް ނިވައި، އަނދިރިކޮށްލުމުގެ މަގްސަދު ކިޔައިދެމުން އޭގެ ތެރެއިން މީހަކު ބުންޏެވެ.

"ހަތް އަހަރުވީ އިރު ވެސް ރައްޔިތުންގެ ހިތްތަކުން އެ ބިރުވެރި ހިތާމަވެރި ހިނދުކޮޅު ހަނދާނުން ފިލައިގެން ނުދާކަން،" އަނަސްގެ މަރުގެ މައްސަލާގައި ދައުވާ އުފުލައި އަދި ކުށް ސާބިތުނުވާ ކަމަށް ކުރި ހުކުމް އިސްތިއުނާފު ކުރަން މިދިޔަ މެއި މަހު ޕްރޮސެކިއުޓާ ޖެނެރަލްގެ އޮފީހުން ހައި ކޯޓަށް ވަނީ ހުށަހަޅާފަ އެވެ.

އެ މައްސަލާގައި ކްރިމިނަލް ކޯޓުގައި ދައުވާ އުފުލި ހަތް މީހުންނަކީ:

ގަސްތުގައި މީހަކު މަރާލުމުގެ ދައުވާ:

ގަސްތުގައި މީހަކު މަރާލުމުގައި ބައިވެރިވުމުގެ ދައުވާ: