ފުލުހުންގެ މައި އިދާރާ ޝަހީދު ހުސެއިން އާދަމް ބިލްޑިންގް (ދައުރު ފޮޓޯ/ މުހައްމަދު އަމާން)
ޕޮލިސް ކޮމިޝަނަރުގެ ނަމުގައި ފޭކު އީމެއިލްއެއް ދައުރުވާތީ ސަމާލުވާން އެދެފި
ކޮމިޝަނާ އޮފް ޕޮލިސް އަލީ ޝުޖާއުގެ ނަމުގައި ފޭކު އީމެއިލްތަކެއް ދައުރުވާތީ ސަމާލުވުމަށް އިލްތިމާސްކޮށްފި އެވެ.
ވީ ކިހިނެއް؟ - ފުލުހުންގެ ތަރުޖަމާނު، އެސިސްޓެންޓު ކޮމިޝަނާ އޮފް ޕޮލިސް އަހުމަދު ޝިފާން 'އެކްސް'ގައި ކުރެއްވި ޕޯސްޓެއްގައި ވިދާޅުވީ ކޮމިޝަނާގެ ފަރާތުން އަންގާ އެންގުމެއް ކަމަށް ސިފަވާގޮތަށް ބައެއް މީހުންނަށް އީމެއިލްތަކެއް ލިބޭކަމުގެ ޝަކުވާ ލިބިފައިވާ ކަމަށެވެ.
ތަފްސީލް - ޝިފާން ވިދާޅުވީ ދައުރު ވަމުންދާ އީމެއިލްތަކަކީ ފުލުހުންގެ މުއައްސަސާއިން ފޮނުވަމުންދާ މެއިލްތަކެއް ނޫން ކަމަށެވެ.
ދިވެހި ފުލުހުންގެ ޚިދުމަތުން ނުވަތަ ކޮމިޝަނަރ އޮފް ޕޮލިސްގެ ފަރާތުން އަންގާ އެންގުމެއްކަމަށް ސިފަވާގޮތަށް ބައެއް ފަރާތްތަކަށް އީމެއިލް ތަކެއް ލިބެމުންދާކަމުގެ މައުލޫމާތުވަނީ މި މުއައްސަސާއަށް ލިބިފައެވެ. ދައުރު ވަމުންދާ އީމެއިލް ތަކަކީ މި މިއައްސަސާއިން ފޮނުވަމުން ގެންދާ… pic.twitter.com/NR5hn533YZ
— Ahmed Shifan (@Shifan4040) July 22, 2024
"މިފަދަ މެއިލްތައް ފޮނުވުމަކީ މަކަރާއި، ހީލަތް ހަދައި އޮޅުވާލައިގެން ނަހަމަގޮތެއްގައި ފައިދާ ހޯދާ ފަރާތްތަކުން ބޭނުންކުރާ އާއްމު އުކުޅެއް ކަމުގައި ދަންނަވެމެވެ،" ޝިފާންގެ ޕޯސްޓުގައި ވިދާޅުވި އެވެ.
އެފަދަ މެއިލްތަކަށް ޖަވާބުދިނުން އަދި އޭގައި ހިމެނޭ ލިންކުތަކަށް ނުފިތުމަށް ފުލުހުން ވަނީ އިލްތިމާސް ކޮށްފަ އެވެ.
ކޮމެންޓް (1)
ހަރުގާ