ނުބައި މައުލޫމާތު ހިމަނަގައިގެން، މީހުންގެ އަތުން ފައިސާ ހޯދުމަށް ފޭސްބުކްގައި އާއްމުކޮށްފައިވާ ބައެއް ޕޯސްޓުތައް
އާ ސްކޭމެއް: އޮޅުވާލައިގެން އެހީގެ ޕޯސްޓްތައް ހަދައި ފައިސާ ހޯދަނީ
ބަލިވެގެން އެހީ ހޯދަން ކަމަށް ބުނެ، ނުބައި މައުލޫމާތާއި ފޮޓޯ ހިމަނައިގެން ޕޯސްޓްތައް ހަދައި މީހުންގެ އަތުން ފައިސާ ހޯދަން ސޯޝަލް މީޑިއާގައި ހިންގި ސްކޭމެއް ފަޅާއަރައިފި އެވެ.
ވީ ކިހިނެއް؟- ފޭސްބުކްގެ ތިން އައިޑީއަކުން މި މަހުގެ ކުރީކޮޅުއްސުރެ އަންނަނީ މި ކަހަލަ ޕޯސްޓުތައް އާންމު ކުރަމުންނެވެ. އަދި ގިނަ ބަޔަކު އެ މަޅީގައި ޖެހެމުން އަންނައިރު، އެ ޕޯސްޓުތައް ހަދާފައި ހުންނަނީ، އެއީ ސައްހަ މައުލޫމާތުހެން ހީވާގޮތަށް ވަރަށް ފަރުވާތެރިކަމާއެކު އެވެ.
އެކަމަކު 'ދައުރު'އިން ބެލި ބެލުމުން އެ ހުރިހާ ޕޯސްޓެއްގައި ވެސް ހުންނަނީ މުޅިން ނުބައި މައުލޫމާތެވެ. އެގޮތުން:
-
ބޭނުންކޮށްފައި ހުންނަނީ އިންޓަނެޓުން ނަގާފައި ހުންނަ ބޭރު މީހުންނާއި ކުދިންގެ ފޮޓޯ
-
ހުރިހާ ޕޯސްޓެއްގައި ވެސް ޖަހާފައި ހުންނަނީ ތިން މީހެއްގެ އެކައުންޓު ނަމްބަރު. ގުޅޭނެ ނަމްބަރާއި އާއިލާ މީހުންގެ ނަމާއި ނަމްބަރު ޖަހާފައި ހުރި ނަމަވެސް އެއިން އެއްވެސް މައުލޫމާތެއް ސައްހައެއް ނޫން
-
އެއީ ނޫހެއްގައި ޖަހާފައިވާ ހަބަރެއް ކަމަށް ބުނެ ލިންކު ޝެއާކޮށްފައި ހުރި ނަމަވެސް، އެއްވެސް ލިންކަކަށް ނުވަދެވޭ
-
މި ޕޯސްޓުތައް އެކި ޕޭޖުތަކަށް ވެސް ލާ ގިނަ ބަޔަކަށް ފެންނާނެ ގޮތަށް ދަނީ ދައުރުކުރަމުން
މި ހުރިހާ ޕޯސްޓެއްގައި ވެސް މީހުންނަށް އެހީތެރިވުމާއި ސަދަގާތުގެ މުހިއްމުކަމާ ގުޅޭ ގޮތުން ދީނުގައި އޮންނަ ގޮތް ބުނެދީފައި ހުރެ އެވެ. އެހެންވެ އެތައް ސަތޭކަ ބަޔަކު މި ޕޯސްޓުތައް ޝެއާކޮށް، އެހީ ދީ ހަދަނީ އެއީ ސައްހަ އެއްޗެއް ކަމަށް ހީކޮށެވެ.
ކޮމެންޓް (1)
ނަާނި