ތިން މިނިސްޓަރަކު މުހިންމު މަޝްވަރާތަކަށް ޗައިނާއަށް ވަޑައިގަންނަވަނީ

ފޮރިން މިނިސްޓަރު މޫސާ ޒަމީރު ހިމެނޭ ގޮތަށް، އިގްތިސާދީ މަޝްވަރާތަކަކަށް ތިން މިނިސްޓަރަކު މިއަދު ޗައިނާއަށް ވަޑައިގަތުމަށް ހަމަޖެހިއްޖެ އެވެ.

ވީ ކިހިނެއް؟ - އަންނަ ބުދަ ދުވަހުގެ ނިޔަލަށް ޒަމީރު ކުރައްވާ ފަސް ދުވަހުގެ މި ދަތުރާ ގުޅިގެން ރާއްޖޭގެ ފޮރިން މިނިސްޓްރީން މިއަދު ވަނީ ބަޔާނެއް ނެރެފަ އެވެ. މޫސާ ޒަމީރުގެ އިތުރުން ދެން ބައިވެރިވެވަޑައިގަންނަވަނީ:

ތަފްސީލު - އެ ބަޔާނުގައި ބުނި ގޮތުގައި، މިއީ ޗައިނާގެ ފޮރިން މިނިސްޓަރު ވަންގް ޔީގެ ދައުވަތަކަށް ކުރައްވާ ދަތުރެކެވެ. އަދި ޗައިނާގެ އެހެން އިސް އޮފިޝަލުން ހިމެނޭ ގޮތަށް ދެ ގައުމުގެ ފޮރިން މިނިސްޓަރުން މި ދަތުރުގައި މަޝްވަރާތަކެއް ކުރުމަށް ހަމަޖެހިފައިވާ ކަމަށް އެ ބަޔާނުގައި ބުންޏެވެ. 

އޭގެ އިތުރުން، ރާއްޖޭގެ އިގްތިސާދު ކުރިއެރުވުމުގައި އިސް ދައުރެއް މީގެ ކުރިން އަދާކޮށްފައިވާ ޗައިނާގެ މުހިންމު ކުންފުނިތަކާ އެކު ވެސް ޒަމީރު ބައްދަލުވުންތަކެއް ބާއްވަވާނެ ކަމަށް އެ ބަޔާނުގައި ބުނެފައިވެ އެވެ.

ފާހަގަކޮށްލެވޭ ކަމެއް - މި ސަރުކާރުން ގާތް ގުޅުންތަކެއް ބާއްވަމުން އަންނަ ޗައިނާއަށް މީގެ ކުރިން ވެސް އެކި ފަހަރު މަތިން ބައެއް މިނިސްޓަރުން ދަތުރުކުރައްވާފައިވެ އެވެ. އަދި ރައީސް މުހައްމަދު މުއިއްޒު ވެރިކަމާ ހަވާލުވެވަޑައިގެން، މިދިޔަ ޖެނުއަރީ މަހު ކުރެއްވި އެ މަނިކުފާނުގެ ފުރަތަމަ ފުރަމާނަ ދަތުރުފުޅު ކުރެއްވީ ވެސް ޗައިނާ އަށެވެ.