ޕޮލިސް ކޮލެޖުގެ ފަސް ދަރިވަރަކު އައިސީޔޫގައި، އެއް ދަރިވަރެއްގެ ހާލު ސީރިއަސް

އައްޑޫގައި ހުންނަ ޕޮލިސް ކޮލެޖުގައި ޓްރެއިނިން ހަދަމުން އަންނަ ބެޗުގެ ގިނަ ދަރިވަރުންތަކެއް ބަލިވެގެން ފަރުވާ ދެމުންދާ އިރު، ބައެއް ކުދިން ހާލު ދެރަވެގެން އައިސީޔޫއަށް ލައިފި އެވެ.

ވީ ކިހިނެއް؟ - ޕޮލިސް ކޮލެޖުގެ ގިނަ ދަރިވަރުންތަކެއް ބަލިވެ، އައްޑޫ އިކުއެޓޯރިއަލް ހޮސްޕިޓަލުގައި އެނދުމަތިކޮށްގެން ފަރުވާ ދެމުންދާ ކަމަށް ފުލުހުން މިރޭ މީޑިއާތަކަށް ފޮނުވި މެސެޖެއްގައި ބުނެފައިވެ އެވެ.

އެ މީހުންގެ ހާލު ދެރަވެފައިވަނީ ކޮން ސަބަބަކާ ހުރެކަން އަދިވެސް ފުލުހުން ހާމަކޮށްފައެއް ނުވެ އެވެ. ނަމަވެސް، ސޯޝަލް މީޑިއާގައި ބައެއް ފަރާތްތަކުން ބުނަމުންދާ ގޮތުގައި، އެ ދަރިވަރުންނަށް ފަރުވާ ދެމުންދަނީ ކާނާ ވިހަވެގެންނެވެ.

ވީ ކިހިނެއް؟ - ފުލުހުން އެންމެ ފަހުން ބުނި ގޮތުގައި، ބަލި ހާލަތު ގޯސްވެގެން 32 ދަރިވަރަކަށް ދަނީ އެނދުމަތިކޮށްގެން ފަރުވާ ދެމުންނެވެ. މީގެ އިތުރުން:

ފުލުހުންގެ ތަރުޖަމާނު، އެސިސްޓަންޓް ކޮމިޝަނާ އޮފް ޕޮލިސް އަހުމަދު ޝިފާން މީގެ ކުރިން 'ދައުރު'އަށް ވިދާޅުވެފައިވަނީ، އެ ދަރިވަރުން ބަލިވި ސަބަބު މިހާތަނަށް ޔަގީންނުވާ ކަމަށާއި އެކަން ދެނެގަތުމަށްޓަކައި ހޮސްޕިޓަލުން މިހާރު ޓެސްޓުތައް ހަދަމުން އަންނަ ކަމަށެވެ.

އެނގުން މުހިއްމު - ޕޮލިސް ކޮލެޖުގައި މިވަގުތު 200 އެއްހާ ދަރިވަރުން ކިޔަވަމުންދެ އެވެ.