ޔޫއޭވީ ތައާރަފު ކުރުމުގެ ރަސްމިއްޔާތުގައި ރައީސް މުހައްމަދު މުއިއްޒު ވާހަކަދައްކަވަނީ. (ފޮޓޯ/ ރައީސް އޮފީސް)
ޓްރަމްޕް އަވަހާރަކޮށްލަން ދިން ހަމަލާ ރައީސް ކުށްވެރިކުރައްވައިފި
އެމެރިކާގެ ކުރިއަށް އޮތް ރިޔާސީ އިންތިހާބަށް ކެމްޕެއިން ކުރައްވަމުން ގެންދަވާ ކުރީގެ ރައީސް ޑޮނަލްޑް ޓްރަމްޕް އަވަހާރަކޮށްލަން ދިން ހަމަލާ ރައީސް މުހައްމަދު މުއިއްޒު މިއަދު ކުށްވެރިކުރަައްވައިފި އެވެ.
ވީ ކިހިނެއް؟ - އެކަން ކުށްވެރިކުރައްވައި ރައީސް މުއިއްޒު މިއަދު 'އެކްސް'ގައި ވަނީ ޕޯސްޓެއް ކުރައްވާފަ އެވެ.
ބުނީ ކީކޭ؟ - "ސިޔާސީ ކަންކަމުގައި އަނިޔާވެރިކަމަށް ޖާގަ ދެވިގެން ނުވާނެ އަދި ހުރިހާ ތަނެއްގައި ހިނގާ މިފަދަ އަނިޔާވެރި އަމަލުތައް އަޅުގަނޑު ހަރުކަށި އިބާރާތުން ކުށްވެރިކުރަން،" ރައީސް ވިދާޅުވި އެވެ.
އެމަނިކުފާނުގެ ހެޔޮއެދުންތައް ވަނީ ޓްރަމްޕް އާއި އޭނާގެ އާއިލާ އަދި އެ ހަމަލާގައި އަނިޔާ ލިބުނު ފަރާތްތަކާ އެކު ކަމަށް ވެސް ވިދާޅުވި އެވެ.
Violence has no place in politics, and I strongly condemn all forms of violence everywhere. Our thoughts and best wishes are with former President @realDonaldTrump, his family, and others injured during the attack.
— Dr Mohamed Muizzu (@MMuizzu) July 14, 2024
އެނގުން މުހިއްމު - ޓްރަމްޕަށް ހަމަލާ ދީފައިވަނީ އޭނާ ޕެންސިލްވޭނިއާގައި އޮތް އެއްވުމެއްގައި ވާހަކަދައްކަވަމުން ދަނިކޮށެވެ.
ރިޕަބްލިކަން ޕާޓީގެ ކެންޑިޑޭޓް ޓްރަމްޕް އަވަހާރަކޮށްލުމަށް ދިން ކަމަށް ބެލެވޭ މި ހަމަލާގައި ވަޒަން އެރީ އޭނާގެ ކަންފަތަށެވެ. އެ ޒަހަމުން އައި ލޭ ޓްރަމްޕްގެ މޫނުމަތިން އޮހޮރެމުންދިޔަ މަންޒަރު ފެނުނެވެ.
ބަޑި ޖެހި މީހާ އާއި އެއްވުމުގެ ބައިވެރިއަކު ވަނީ މަރުވެފަ އެވެ. އަދި އެއްވުމުގައި ތިބި އިތުރު ދެ މީހަކު ޒަހަމްވި އެވެ. ރޮއިޓާސް އިން ރިޕޯޓުކޮށްފައިވާ ގޮތުގައި، މި މައްސަލަ ތަހުގީގުކުރަމުން ގެންދަނީ ޓްރަމްޕް އަވަހާރަކޮށްލުމަށް ދިން ހަމަލާއެއްގެ ގޮތުގަ އެވެ.
