ކަނޑުގަދަ ދުވަހެއްގައި ފެރީއެއް ދުއްވާފައި ދަނީ (ދައުރު ފޮޓޯ/ އަބްދުﷲ އަނޫފް ޖުނައިދް)
ބޮޑު ބަޔަކަށް މޫސުން ގޯސް، ވައިގަދަ ވާނެ
ރާއްޖޭގެ ބޮޑު ބަޔަކަށް މޫސުން ގޯސްވާނެ ކަމަށް މޫސުމާ ބެހޭ ގައުމީ އިދާރާ އިން މިރޭ ލަފާކޮށްފި އެވެ.
ވީ ކިހިނެއް؟ - އެ އިދާރާ އިން ލަފާކޮށްފައިވާ ގޮތުން ރާއްޖޭގެ އެކި ހިސާބުތަކަށް ވިއްސާރަކޮށް ގުގުރުން ވެސް އެކަށީގެންވެ އެވެ.
ތަފްސީލް - ވައި ޖެހޭނެ ކަމަށް ލަފާކޮށްފައިވަނީ ހުޅަނގުދެކުނާއި ހުޅަނގުން ގަޑިއަކު އަށް މޭލާއި 18 މޭލާ ދެމެދުގެ ބާރުމިނުގަ އެވެ.
ވިލާގަނޑުގައި ގަޑިއަކު 35 މޭލަށް ވައި ގަދަވުން ވެސް އެކަށީގެންވާ ކަމަށް މެޓުން ބުންޏެވެ. ރާޅުގެ އުސްމިން 5-2 ފޫޓަށް ހުންނާނެ ކަމަށް ވެސް އެ އިދާރާ އިން ލަފާކުރެ އެވެ.
މިދުވަސްވަރަކީ އާންމުކޮށް ރާއްޖޭގެ ހުރިހާ ސަރަހައްދަކަށް ވެސް ވިއްސާރަ ދުވަސްވަރެކެވެ.