![](https://cdn.dhauru.com/s3/media/2022/10/07/083131-3%20u%203%20a%200027.jpg?fit=crop-50-50&w=1400&h=800)
ފުލިދޫގެ މަގެއްގެ މަތިން ދެ ޒުވާނުން ހިނގާފައި ދަނީ: މި ރަށުގެ އާބަދީގެ ގިނަ ޒުވާނުން މަސައްކަތް ކުރަނީ ޓޫރިޒަމްގެ ދާއިރާގައި (ދައުރު ފޮޓޯ/އައިމިނަތު ޝިފްލީން)
ޒުވާނުންގެ އާބާދީގެ %19 ވަޒީފާ އަދާނުކުރޭ: ރިޕޯޓު
ރާއްޖޭގެ އާބާދީގެ %19 މީހުންނަކީ އެއްވެސް ވަޒީފާއެއް އަދާނުކުރާ ނުވަތަ ތައުލީމް ހާސިލު ނުކުރާ ޒުވާނުން ކަމަށް ތަފާސްހިސާބުތަކުން ދައްކައިފި އެވެ.
ވީ ކިހިނެއް؟- މިއަދު ފާހަގަކުރާ ދުނިޔޭގެ އާބާދީ ދުވަހުގެ މުނާސަބާގައި ނެޝަނަލް ސްޓެޓިކްސް ބިއުރޯ އިން އާއްމު ކުރި މައުލޫމާތަށް ބަލާއިރު އުމުރުން 15-24 އަހަރާ ދެމެދުގެ ޒުވާނުންގެ އާބާދީ އުޅެނީ 53,537ގަ އެވެ. އެއީ:
-
27،625 ފިރިހެނުން
-
25،912 އަންހެނުން
-
މީގެ ތެރެއިން ދެބައިކުޅަ އެއްބަޔަށް ވުރެ ގިނަ ޒުވާނުން އުޅެނީ ރަށްރަށުގައި
ސްޓެޓިކްސް ބިއުރޯގެ ތަފާސްހިސާބުތަކަށް ބަލާއިރު ރާއްޖޭގެ ކޮންމެ ފަސް މީހަކުން ކުރެ އެކަކީ، ވަޒީފާ އަދާ ނުކުރާ، ތައުލީމް ހާސިލް ނުކުރާ ޒުވާނެކެވެ. އެއީ އާބާދީގެ %19 ނުވަތަ 10،414 ޒުވާނުންނެވެ.
މި ކެޓެގަރީގެ ތަފާސްހިސާބުތަކަށް ބަލާއިރު އެއީ:
-
17% ފިރިހެނުން
-
22% އަންހެނުން
ރާއްޖޭގައި ދިރިއުޅޭ މީހުންގެ އާބާދީއަކީ މިހާރު 515،132 އެވެ. އޭގެ ތެރެއިން ވަޒީފާ އަދާ ކުރާ މީހުންގެ ނިސްބަތް ތިން ލައްކައަށް އަރަ އެވެ. އެ މައުލޫމާތުތަކަށް ބަލާއިރު:
-
ވަޒީފާ އަދާކުރާ 171،130 މީހުންނަކީ ދިވެހިން
-
އަދި 126،386 މީހުންނަކީ ބިދޭސީން