އިނގިރޭސިވިލާތުގެ ބޮޑުވަޒީރުކަމުގެ މަގާމާ ހަވާލުވެ ވަޑައިގަންނަވާ ކޭރް ސްޓާމާ
ލޭބާ ޕާޓީގެ ކާމިޔާބީއަށް ރައީސްގެ މަރުހަބާ
އިނގިރޭސިވިލާތުގެ އާންމު އިންތިހާބު ލޭބާ ޕާޓީއަށް ކާމިޔާބުވުމާ އެކު އިންތިހާބީ ބޮޑުވަޒީރު ކެއިރު ސްޓާމާއަށް ރައީސް މުހައްމަދު މުއިއްޒު ތަހުނިޔާ ވިދާޅުވެއްޖެ އެވެ.
ވީ ކިހިނެއް؟- ލޭބާ ޕާޓީއަށް ލިބުނު ތާރީހީ ކާމިޔާބީއަށް ރައީސް މަރުހަބާ ވިދާޅުވީ 'އެކްސް'ގައި ކުރެއްވި ޕޯސްޓެއްގަ އެވެ.
ތަފްސީލް - އާ ބޮޑުވަޒީރުގެ ލީޑާޝިޕްގެ ދަށުން އިނގިރޭސިވިލާތަށް ތަރައްގީގެ އާ ފަތިހެއް ފެންނާނެކަމަށް ޔަގީން ކުރައްވާ ކަމަށް ވެސް ރައީސް ވިދާޅުވި އެވެ.
"ދިވެހި ސަރުކާރާއި ރައްޔިތުން އުއްމީދުކުރަނީ ދެ ގައުމުގެ ދެމެދު އޮންނަ ގާތް ގުޅުން އިތުރަށް ބަދަހިވެ އެކުގައި ގުޅިގެން މަސައްކަތްކުރުމަށް،" ރައީސްގެ ޕޯސްޓުގައި ވިދާޅުވި އެވެ.
Congratulations to Prime Minister-elect @Keir_Starmer and @UKLabour on their resounding victory! I am confident that under your able leadership, the #UK will see a new dawning of prosperity. The Government and the people of #Maldives extend our best wishes and look forward to…
— Dr Mohamed Muizzu (@MMuizzu) July 5, 2024
ފާހަގަ ކުރެވޭ - އިނގިރޭސިވިލާތުގެ އާންމު އިންތިހާބުގެ ވަގުތީ ނަތީޖާ ދައްކާ ގޮތުން މިހާރު ވެރިކަން ކުރާ ކޮންޒަވޭޓިވް ޕާޓީއަށް ލިބުނީ އެންމެ 136 ގޮނޑި އެވެ. ލޭބާ ޕާޓީ އިން މިހާތަނަށް 408 ގޮނޑި ކާމިޔާބުކޮށްފައިވެ އެވެ. މިއީ ކޮންޒަވޭޓިވް ޕާޓީއަށް ލިބުނު އެންމެ ބޮޑު ނާކާމިޔާބީ އެވެ.