ޒުވާން ހަތީބުން ތަމްރީނު ކުރުމަށް އިސްލާމިކް މިނިސްްޓްރީން ބޭއްވި ޕްރޮގްރާމްގެ ބައެއް ކުދިންނާ މިނިސްޓަރު މުހައްމަދު ޝަހީމް އަލީ ސައީދު ބައްދަލުކޮށްލައްވަނީ
އިމާމުވެ ހުކުރު ކުރާހިތްވާ ޒުވާނުންނަށް އަނެއްކާ ވެސް ފުރުސަތެއް
ޒުވާން ހަތީބުން ތަމްރީނު ކުރުމަށް ހިންގާ ދެ ވަނަ ބުރުގައި ބައިވެރިވުމުގެ ފުރުސަތު ހުޅުވާލައިފި އެވެ.
ވީ ކިހިނެއް؟- އިސްލާމިކް މިނިސްޓްރީން މިދިޔަ މާޗު މަހު ކުރިއަށް ގެންދިޔަ ހަތީބުން ތަމްރީނު ކުރުމުގެ ފުރަތަމަ ބުރަށް ވެސް ބޮޑު ތަރުހީބެއް ލިބުނެވެ. އެ ޕްރޮގްރާމްގައި، ރާއްޖޭގެ އެކި ހިސާބުތަކުން 150އަށް ވުރެ ގިނަ ޒުވާނުން ބައިވެރިވި އެވެ.
ދެ ވަނަ ބުރުގައި ބައިވެރިވުމުގެ ފުރުސަތު މިހާޜު ހުޅުވާލާފައިވާއިރު އެ ފުރުސަތު އޮތީ18 އަހަރު ނުފުރޭ ކުދިންނަށެވެ.
މިނިސްޓްރީން ބުނިގޮތުގައި:
-
ބައިވެރިވާ ކުއްޖާ ވާން ޖެހޭނީ ގްރޭޑް10 ނޫނީ މަތީ ސާނަވީގެ ގްރޭޑެއްގައި ކިޔަވާ ކުއްޖަކަށް
-
ނޫނީ އެއިން ގްރޭޑެއް ފުރިހަމަކޮށްފައިވާ ކުއްޖަކަށް ވާން ޖެހޭނެ
-
ޕްރޮގްރާމް ފުރިހަމަ ކުރާ ކުދިންނަށް ހުކުރު ކުރުމުގެ ސަނަދު ލިބޭނެ
އިއުލާނުގައި ބުނިގޮތުގައި މާލެ އާއި އައްޑޫ އަދި މީމު އަތޮޅުން ބައިވެރިވާ ކުދިން، ކޯސް ކުރިއަށް ގެންދާ ތަނަށް ހާޒިރުވާން ޖެހޭނެ އެވެ. އެހެން ކުދިންނަށް އޮންލައިންކޮށް ބައިވެރިވެވޭނެ ކަމަށް ބުންޏެވެ.
ހަތީބުކަމުގެ ފުރަތަމަ ބުރު ނިންމި ކުދިން އަންނަނީ މާލެ އާއި ރަށްރަށުގެ ގިނަ މިސްކިތްތަކުގައި އިމާމުވެ ހުކުރުކުރަމުންނެވެ.