ގދ. ފިޔޯރީ: މިރަށުގައި ކުޑަ އަންހެން ކުއްޖެއް ގެއްލިގެން އަންނަނީ ހޯދަމުން (ފޮޓޯ/ވިޒިޓް ފިޔޯރީ)
ފިޔޯރީގައި 8 އަހަރުގެ އަންހެން ކުއްޖަކު ގެއްލިގެން ރައްޔިތުން ނުކުމެ ހޯދަން ފަށައިފި
ފުލުހުންނާއި ރައްޔިތުން ހޯދަމުން އަންނަ ކުއްޖާ އެންމެ ފަހުން ފެނުނީ މިއަދު ހަވީރު 5 ޖަހާކަންހާއިރު ކަމަށްވޭ
22 ޖޫން 2024
ގދ. ފިޔޯރީގައި އަށް އަހަރުގެ އަންހެން ކުއްޖަކު ގެއްލިގެން ރައްޔިތުން ނުކުމެ ހޯދަން ފަށައިފި އެވެ.
ވީ ކިހިނެއް؟ - އެ ކުއްޖާ ގެއްލިގެން އުޅޭ ކަމަށް ފުލުހުންނަށް ރިޕޯޓުކުރީ، މިރޭ ހަތެއް ޖަހާކަންހާއިރު އެވެ.
ތަފްސީލު - ފުލުހުން މީޑިއާތަކަށް ފޮނުވި މެސެޖެއްގައި ބުނީ އެންމެ ފަހުން އެ ކުއްޖާ ފެނުނީ މިއަދު ހަވީރު ފަހެއް ޖަހާކަންހާއިރު ގޭގައި އުޅެނިކޮށް ކަމަށެވެ.
ކުއްޖާ ހޯދުމުގެ މަސައްކަތް ރައްޔިތުންނާ ގުޅިގެން ކުރަމުން އަންނަ ކަމަށް ވެސް ފުލުހުން ބުންޏެވެ.