އިންޑިއާގެ ރައީސް މުރުމޫއާ ރައީސް މުއިއްޒު ބައްދަލު ކުރައްވައިފި

އިންޑިއާގެ ރައީސް ދުރޫޕަދީ މުރުމޫއާ، ރައީސް ޑރ. މުހައްމަދު މުއިއްޒު މިއަދު ބައްދަލު ކުރައްވައިފި އެވެ.

ވީ ކިހިނެއް؟- އިންޑިއާގެ ބޮޑުވަޒީރު، ނަރެންދުރަ މޯދީ ހުވާ ކުރެއްވުމުގެ ރަސްމިއްޔާތަށް މިހާރު އިންޑިއާއަށް ވަޑައިގެން އުޅުއްވާ ރައީސް މުއިއްޒު، އިންޑިއާގެ ރައީސް މުރުމޫއާ ބައްދަލު ކުރެއްވީ އެ ގައުމުގެ ރިޔާސީ ގަނޑުވަރު 'ރާޝްތުރަޕަތީ ބަވަން'ގަ އެވެ.

މި ބައްދަލުވުމުގައި ދެ ގައުމުގެ ލީޑަރުން ވެސް ވަނީ، އިންޑިއާ އާއި ރާއްޖޭގެ ތަރައްގީ އާއި ފާގަތި ކަމަށް ގުޅިގެން މަސައްކަތް ކުރުމުގެ މުހިއްމުކަން ފާހަގަ ކުރައްވާފަ އެވެ.

ރައީސް އޮފީހުން ބުނީ:

މި ބައްދަލުވުމުގައި ރައީސް މުއިއްޒު ވަނީ، އިންޑިއާ ސަރުކާރުން ރާއްޖެއަށް ފޯރުކޮށްދެމުން އަންނަ އެހީތެރިކަމަށް ޝުކުރު އަދާ ކުރައްވާފަ އެވެ. އަދި ދެ ގައުމުގެ ދެމެދުގައި އޮތް ތާރީހީ ރަހުމަތްތެރިކަމުގެ ގުޅުން، އެ ގޮތުގައި ދެމެހެއްޓުމަށާއި އެކި ދާއިރާތަކުން ގުޅުންބަދަހި ކުރުމަށް އެދިވަޑައިގަންނަވާ ކަމަށް ވެސް ވިދާޅުވި އެވެ.