ސެންޓާރާ ގްރޭންޑު ރިސޯޓު. އެ ރިސޯޓުގައި ގެނބުނު ފަތުރުވެރިޔަކު ސަލަމަތް ކުރަން މޫދަށް ފޭބި ދިވެހި މުވައްޒަފަކު ވަނީ މަރުވެފައި (ފޮޓޯ/ބުކިން.ކޮމް)
ގެނބުނު ފަތުރުވެރިއަކު ސަލާމަތްކުރަން އުޅުނު ދިވެހި މުވައްޒަފަކު މަރުވެއްޖެ
އދ. ސެންޓާރާ ރިސޯޓުގައި މޫދަށް އެރި އުޅުނު ފަތުރުވެރިޔަކު ގެނބެމުންދަނިކޮށް އޭނާ ސަލާމަތް ކުރަން މޫޫދަށް ފޭބި މުވައްޒަފަކު މަރުވެއްޖެ އެވެ.
ވީ ކިހިނެއް؟ - ފުލުހުން މީޑިއާތަކަށް ފޮނުވި މެސެޖެއްގައި ބުނީ ސެންޓާރާ ރިސޯޓުގައި މޫދަށް އެރި އުޅުނު ފަތުރުވެރިއަކު ގެނބިގެން އެމީހާ ސަލާމަތް ކުރަން މޫދަށް ފޭބި މީހަކު ގެނބިގެން ފަރުވާ ދެމުންދާ ކަމުގެ ރިޕޯޓު މިއަދު ހެނދުނު 11:05 ހާއިރު ލިބިފައިވާ ކަމަށެވެ.
ތަފްސީލް - އޭނާ އަށް ފަރުވާ ދިނުމަށް އދ. ދަނގެތި ހެލްތު ސެންޓަރަށް ގެންދިޔަ ކަމަށާއި ގެންދިޔައިރު ވެސް އޭނާ މަރުވެފައިވާ ކަމަށް ހެލްތު ސެންޓަރާ ހަވާލާދީ ފުލުހުން ބުންޏެވެ.
-
މަރުވެފައިވަނީ އެ ރިސޯޓުގެ 39 އަހަރުގެ ދިވެހި މުވައްޒަފެއް؛ އެއީ ފިރިހެނެއް
މި ހާދިސާގައި ގެނބުނު ފަތުރުވެރިޔާގެ ހާލު ރަނގަޅު ކަމަށް ވެސް ފުލުހުން ބުންޏެވެ.
ފުލުހުން ބުނީ މި ހާދިސާ އާ ގުޅިގެން ބަލަންޖެހޭ ކަންތައް ބަލަމުންދާ ކަމަށެވެ.