ފުލުހުންގެ މައި އިދާރާ ޝަހީދު ހުސައިން އާދަމް ބިލްޑިން. (ދައުރު ފޮޓޯ/މުހައްމަދު އަމާން)
މާބަނޑު މީހަކަށް އާއިލާއިން އަނިޔާ ކުރި ކަމަށް ބުނާ މައްސަލައެއް ތަހުގީގު ކުރަނީ
މާބަނޑު މީހަކަށް އޭނާގެ އާއިލާގެ ފަރާތުން އަނިޔާ ލިބެމުންދާ ކަމަށް ބުނާ މައްސަލައެއް ފުލުހުން ތަހުގީގު ކުރަން ފަށައިފި އެވެ.
ވީ ކިހިނެއް؟ - އެ އަންހެން މީހާ މިއަދު ވަނީ އާއިލާގެ ފަރާތުން އަނިޔާ ލިބެމުންދާ ކަމަށް ބުނެ އެކަމާ ބެހޭގޮތުން ސޯޝަލް މީޑިއާގައި ލިޔެފަ އެވެ.
ތަފްސީލު - ފުލުހުންގެ ތަރުޖަމާނު އަހްމަދު ޝިފާއު މިރޭ އެކްސްގައި ވިދާޅުވިގޮތުގައި ގުޅުން ހުރި މުއައްސަސާތަކާ ގުޅިގެން ފުލުހުން އަންނަނީ މި މައްސަލަ ތަހުގީގު ކުރަމުންނެވެ.
އަންހެން މީހާ ލިޔުނު ފޭސްބުކްގައި ޕޯސްޓެއްގައިވާ ގޮތުން:
-
އޭނާއަށް އަނިޔާ ކުރާ މީހުންގެ ތެރޭގައި ބައްޕަ އާއި 18 އަހަރު ނުވާ ކޮއްކޮއެއް ހިމެނޭ
-
"ގޭ މީހުން މި ކުރާ އަނިޔާތަކަށް އިންސާފު ލިބޭނެތޯ" ފުލުހުން ޓެގްކޮށް، އޭނާ ސުވާލު ކޮށްފައިވޭ
-
އޭނާ ބުނީ ސޯޝަލް މީޑިއާގައި މި ވާހަކަ ދެއްކީ "ކެތް ނުވެގެން" ކަމަށް
-
އޭނާގެ ކަރަށާއި އަތަށް ލިބިފައިވާ ޒަހަމްތަކެއް ފެންނަ ފޮޓޯތަކެއް އެ ޕޯސްޓުގައި ހިމަނާފައިވޭ