ރަމަޟާން މަހުގެ ފުރަތަމަ ދުވަހު މާލެ މަގުމަތީ ފިނިބުރު ޖެހުން
މިދިޔަ ހަފްތާގައި ޑެންގީގެ 40 ކޭސް
މިހާރު ފެތުރެމުންދާ ޑެންގީ ހުމުގެ 40 ކޭސް މިިދިޔަ މަހުގެ 28 އިން ފެށިގެން މިމަހުގެ 4 އާ ހަމައަށް ރިޕޯޓްކޮށްފި އެވެ.
ތަފްސީލް - ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ރޭ ނެރުނު ވީކްލީ ރިޕޯޓުގައިވާ ގޮތުން މިއަހަރުގެ މިހާތަނަށް 660 ޑެންގީ ހުމުގެ ކޭސް ރިޕޯޓުކޮށްފައިވެ އެވެ.
-
މާޗް މަހުގެ 21 އިން ފެށިގެން ޑެންގީ ކޭސްތައް ރިޕޯޓުކުރާ މިންވަރު އަންނަނީ އިތުރުވަމުން
-
އެންމެ ގިނަ ކޭސްތައް ރިޕޯޓުކުރަމުންދަނީ މާލޭ މާލެ އަދި ހުޅުމާލެއިން
-
ހުޅުމާލެއިން އެކަނި ވެސް 142 ކޭސް ރިޕޯޓުކޮށްފައިވޭ
މިހާރު ލިބެން ހުރި ތަފާސްހިސާބުތަކަށް ބަލާއިރު:
-
އަތޮޅުތަކުގެ ތެރެއިން، ހދ، ނ، ރ، ކ، ގދ. އަދި އައްޑު އޮތޮޅުން ކޭސްތަކެއް ރިޕޯޓުކޮށްފައިވޭ
-
މިއަހަރުގެ މިހާތަނަށް އެންމެ ގިނަ ކޭސް ރިޕޯޓުކޮށްފައި ވަނީ އޭޕްރިލް މަހު. އެއީ 239 ކޭސް
ޑެންގީގެ އިތުރުން ޗިކަންގުންޔާ ފެތުރޭ މިންވަރު ވެސް އަންނަނީ އިތުރުވަމުންނެވެ. މިދިޔަ ހަފްތާއެއްހާ ދުވަހުގެ ތެރޭގައި ޗިކުންގުންޔާގެ 117 ކޭސް ރިޕޯޓުކޮށްފައިވެ އެވެ. އަދި މިއަހަރުގެ މިހާތަނަށް ޖުމްލަ 240 ކޭސް ރިޕޯޓުކޮށްފައިވެ އެވެ.
