މަހިބަދޫގެ ބޮޑު ދަނޑު ފެންނަ ގޮތަށް މަތިން ނަގާފައިވާ ފޮޓޯއެއް. (ދައުރު ފޮޓޯ/އައިމިނަތު ޝިފްލީން)
މަހިބަދޫގެ ބައެއްގެ ގޮތުގައި މާފަރުފަޅު ކަނޑައަޅައިފި
އދ. މަހިބަދޫގެ ބައެއްގެ ގޮތުގައި އެ އަތޮޅު މާފަރުފަޅު ކަނޑައަޅައިފި އެވެ.
ވީ ކިހިނެއް؟ - ރައީސް މުހައްމަދު މުއިއްޒު މިއަދު ނެރުއްވި ގަރާރަކުން މާފަރު ފަޅަކީ މަހިބަދޫގެ ބައެއްގެ ގޮތުގައި ކަނޑައަޅުއްވާފައިވާއިރު، މާފަރުފަޅު މަހިބަދޫގެ އިހުތިސޯސްގެ ތެރޭގައި ހިމަނައިދީ އެ ތަނުގައި ގެދޮރުވެރިކަމުގެ މަޝްރޫތައް ހިންގެވުމަކީ އެމަނިކުފާނުގެ ރިޔާސީ ވައުދުފުޅެކެވެ.
ތަފްސީލް - މާފަރުފަޅު، މަހިބަދުއާ އެއްކޮށްލުމަކީ ކުރީގެ ރައީސް ސޯލިހު ވެސް ގެންގުޅުއްވި ސިޔާސަތެކެވެ. އެމަނިކުފާނުގެ ވެރިކަން ނިމުމުގެ ދެ ދުވަސް ކުރިން، މާފަރުފަޅު ހިއްކައި ތަރައްގީކުރުމަށް ނިންމެވި އެވެ.
ގުޅުން ހުރި - ރައީސް ވަނީ އއ. ވެލިދުއްގާއަކީ އެ އަތޮޅު ބޮޑުފޮޅުދޫގެ ބައެއްގެ ގޮތުގައި ވެސް އިއްޔެ ހަމަޖައްސަވައިފަ އެވެ. މީގެ އިތުރުން ނ. ފަރުމުއްޔާއި ކަނޑިންމާހުރާ އަކީ މާފަރުގެ ބައެއްގެ ގޮތުގައި ވެސް ހަމަޖައްސަވާފައިވެ އެވެ.