ކުޅުދުއްފުއްޓަށް ދިމާވި ކަރަންޓު މައްސަލަ ހައްލުކުރުމުގެ މަސައްކަތުގައި. (ޓުވިޓާ ފޮޓޯ/ހުސައިން ފަހުމީ)
ފެނަކަ އާއި ސްޓެލްކޯ ގުޅިގެން މުޅި ކުޅުދުއްފުއްޓަށް ކަރަންޓު ދީފި
ހދ. ކުޅުދުއްފުށީގެ ކަރަންޓު ހިދުމަތަށް ދިމާވި މައްސަލަ ހައްލުކޮށް، މުޅި އެ ރަށަށް އަލުން ކަރަންޓު ދީފި އެވެ.
ވީ ކިހިނެއް؟ - ޓްރާންސްފޯމަރަކަށް ދިމާވި މައްސަލައަކާ ގުޅިގެން ތިން ޖަނަރޭޓަރެއްގެ ކޮންޓްރޯލް މޮޑިއުލް އަނދައި މުޅި ކުޅުދުއްފުށިން ކަރަންޓު މިއަދު ހެނދުނު 9:15 ހާއިރު ވަނީ ކަރަންޓު ކެނޑިފަ އެވެ.
ތަފްސީލު - ފެނަކައިން ބުނީ ދިމާވި މައްސަލަ ހައްލުކޮށް، މިރޭ 8:10 ހާއިރު ކުޅުދުއްފުއްޓަށް ކަރަންޓުގެ ހިދުމަތް ދޭން ފަށާފައިވާ ކަމަށެވެ.
"އަދި މިއަދު ދިމާވިމައްސަލައާއި ގުޅިގެން އިތުރަށް ބަލަންޖެހޭ ކަންކަން ބަލަމުންދާކަމުގައިވެސް ދަންނަވަމެވެ،" ފެނަކައިން 'އެކްސް'ގައި ކުރި ޕޯސްޓެއްގައި ބުނެފައިވެ އެވެ.
މިއަދު ހެނދުނު ހދ.ކުޅުދުއްފުށީގައި ހިންގަމުންއައި ހަތް ޖަނަރޭޓަރުގެ ތެރެއިން ތިން ޖަނަރޭޓަރެއްގެ ކޮންޓްރޯލްމޮޑިއުލް އަނދައި މުޅިރަށުން ކަރަންޓު ކެޑުނު މައްސަލަ ހައްލުކޮށް މިރޭ 8:10 ގައި ވަނީ މުޅިރަށަށް ކަރަންޓު ދެވިފައެވެ. އަދި މިއަދު ދިމާވިމައްސަލައާއި…
— Fenaka Corporation Ltd (@TeamFenaka) April 15, 2024
ކަރަންޓު މައްސަލަ ހައްލުކުރުމުގައި ފެނަކައިގެ އެދުމަކަށް ސްޓެލްކޯގެ ޓީމަކުން ވެސް ވަނީ އެ ރަށަށް ގޮސް ފަންނީ އެހީތެރިކަން ފޯރުކޮށްދީފަ އެވެ. އެކަން ފާހަގަކޮށް ފެނަކައިން ވަނީ ސްޓެލްކޯގެ މެނޭޖްމަންޓާއި ޓެކްނިކަލް މުވައްޒަފުންނަށް ޝުކުރު އަދާކޮށްފަ އެވެ.
ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ވަނީ މިފަދަ ކޮންމެ ދަނޑިވަޅެއްގައި ގައުމީ ވާޖިބެއް ކަމުގައި ދެކި، މުވައްޒަފުން ކުރަމުންގެންދާ ބުރަ މަސައްކަތަށް ޝުކުރު އަދާކޮށްފަ އެވެ.
މިކުންފުނީގެ އިލްމީ، ޤާބިލް އަދި ތަޖުރިބާކާރު ޓީމާއި، ފެނަކައިގެ މުވައްޒަފުން ކުރި މަސައްކަތުން ކުޅުދުއްފުށި ސިޓީއަށް ދިމާވި ކަރަންޓުގެ މައްސަލަ ހައްލުކޮށް މިހާރު ވަނީ މުޅި ރަށަށް ކަރަންޓު ދެވިފައި. ރައްޔިތުންނަށް ދިމާވާ މިފަދަ ކަންކަމަށް އަވަސް ހައްލެއް ހޯއްދަވައިދެއްވުމަށް… pic.twitter.com/E4simf6wAZ
— Hussain Fahmy (@u09HussainFahmy) April 15, 2024
އެނގުން މުހިންމު - މިއީ މިފަހުން ކުޅުދުއްފުއްޓަށް ކަރަންޓުގެ މައްސަލަ ދިމާވި ފުރަތަމަ ފަހަރެއް ނޫނެވެ. މި ނިމުނު ރޯދަމަހުގެ ތެރޭގައި ވެސް ކުޅުދުއްފުށީގައި ކަރަންޓު ކެނޑޭ މައްސަލަ ބޮޑުވެ، އެކަން ހައްލުނުވެ ދިގުލައިގެން ދިއުމުގެ ސަބަބުން އާންމުން މީގެ ހަފްތާއެއް ކުރިން ނުކުމެ މުޒާހަރާ ވެސް ކޮށްފައިވެ އެވެ. އެގޮތުން:
-
ފެނަކަ އޮފީސް ކައިރިއަށް އެއްވެ ޝުއޫރު ފާޅުކުރުމަށް ފަހު މުޒާހަރާ ކުރި މީހުން އިންޖީނުގެއަށް ވަނުމަށް ވެސް މަސައްކަތް ކުރި
-
މައްސަލަ ވީހާވެސް އަވަހަށް ހައްލުކުރުމުގެ އިތުރަށް، މުޒާހަރާގެ ބައިވެރިން ވަނީ ފެނަކައިގެ މެނޭޖިން ޑިރެކްޓަރުގެ އިސްތިއުފާއަށް ވެސް ގޮވާލާފަ
ފެނަކައިން ބުނާ ގޮތުގައި ކުޅުދުއްފުށީގެ ކަރަންޓުގެ މައްސަލައަށް ދާއިމީ ހައްލެއް ހޯދަން ކުރަން ޖެހޭ މަސައްކަތްތައް އެ ކުންފުނިން އަންނަނީ މެދުކެނޑުމެއްނެތި ކުރަމުންނެވެ.
ކޮމެންޓް