ޝަރީއަތް ލަސްވަނީ ވަސީލަތް ނެތުމުންނޭ ބުނާތީ ޖަމީލުގެ ރައްދު؛ 'ޔާމީނަށް ހުކުމް ކުރަންވީމައި ވަސީލަތް ގިނަވަނީބާ؟'

ކޯޓުގައި ޝަރީއަތްތައް ދިގުލައި، މައްސަލަތައް ނިންމުން ލަސްވަނީ ވަސީލަތްތައް ނެތުމުންކަމަށް ފަނޑިޔާރުން ވިދާޅުވާތީ ޔާމީންގެ ގާނޫނީ ވަކީލު، ޑރ. މުހައްމަދު ޖަމީލް އަހްމަދު ރޭ ރައްދު ދެއްވައިފި އެވެ.

ވީ ކިހިނެއް؟ - މިދިޔަ ބްރާސްފަތި ދުވަހު ސުޕްރީމް ކޯޓުގައި އޮތް ޝަރީއަތުގެ މަޖިލީހެއްގައި ބަންދުގައި ތިބޭ މީހުންގެ ބަންދު މުރާޖައާ ކުރުމާ ގުޅޭ ގޮތުން އުސޫލުތަކެއް ކަނޑައަޅައި، އެކަން ކުރެވޭނެ ގޮތް ވަނީ ހަރުކަށިކޮށްފަ އެވެ.

އެ ޝަރީއަތުގެ ރިޔާސަތު ފަނޑިޔާރު ހުސްނުއްސުއޫދު ހުުކުމް އިއްވަވަމުން ވިދާޅުވީ:

ހައި ކޯޓުގައި ހުކުމާ ހަމަޔަށް އައިސް މަޑުޖެހިފައިވާ ވ. އާރަށު މައްސަލައިގައި ވެސް ޔާމީންގެ ދިފާއުގައި ކޯޓުގައި ވަކާލާތުކުރައްވާ ގާނޫނީ ޓީމުގެ އިސް ވަކީލު ޖަމީލް ވަނީ ސުއޫދުގެ އެ ވާހަކަތަކަށް އެކްސްގައި އިއްޔެ ރައްދުދެއްވައިފަ އެވެ. 

ބުނީ ކީކޭ؟ - އާރަށު މައްސަލާގައި 11 އަހަރުގެ ޖަލު ހުކުމެއް އިއްވާފައިވަނީ "ރޮކެޓް ސްޕީޑުގައި" ކްރިމިނަލް ކޯޓުން ކުރިއަށް ގެންދިޔަ ޝަރީއަތްތަކަކަށް ފަހު ކަން ޖަމީލު ފާހަގަކުރެއްވި އެވެ. އަދި ޝަރީއަތްތައް ލަސްވުމުގައި ވަސީލަތް ނެތުމުގެ ބަހަނާ ފަނޑިޔާރުން ނަންގަވާތީ ދެ ސުވާލެއް ކޯޓުތަކަށް އަމާޒު ކުރެއްވި އެވެ.

އެގޮތުން ވިދާޅުވީ:

ޖުޑިޝަރީއަކީ މައުސޫމް، ވަކިފަރާތަކަށް ނުޖެހޭ އަދި ނުފޫޒުން މިނިވަން ބައެއް ކަމަށް ދައްކަން އުޅުމަކީ ބިންމަތީގައި ތިބެގެން ހަނދަށް ކުޅު ޖަހަން އުޅުން ކަހަލަ ކަމެއް ކަމަށް ޖަމީލު ވިދާޅުވި އެވެ. އަދި، މުޅި މުޖްތަމައުގައި ޖުޑިޝަރީގެ އިތުބާރު ވަރަށް ކުޑަކަމީ މިއަދުގެ ހަގީގަތް ކަމަށް ވެސް އޭނާ ވިދާޅުވި އެވެ.

"ނުކުރަންވީ ސިޔާސީވުން. ވެރިންގެ ރުހުން ހޯދަން އުޅުން. ކުނިވެ ފުޅައަޅާފައިވާ މަސްގަނޑެއް ފަދައިން މުޅި މާހައުލު ތަަގައްޔަރުކުރާ ސިޔާސީ ހަތިޔާރަކަށް ނުވާންވީ،" ޖަމީލުގެ ޕޯސްޓު ނިންމާލައްވަމުން ލިއުއްވި އެވެ.

އެނގުން މުހިންމު - އާރަށުގެ މައްސަލާގައި އިއްވި ހުކުމް ހައި ކޯޓުގައި އިސްތިއުނާފްކޮށް، މިދިޔަ ރިޔާސީ އިންތިހާބުގައި ޕީޕީއެމް/ޕީއެންސީގެ ފަރާތުން ވާދަކުރައްވަން ޔާމީނަށް ޓިކެޓު ވެސް ލިބިވަޑައިގެންފައިވަނިކޮށް، އެ ފުރުސަތު ގެއްލުނީ ހައި ކޯޓުގައި އެ މައްސަލައިގެ އަޑުއެހުންތައް ލަސްވަމުން ދިއުމުންނެވެ.

ހުކުމް ކުރުމާ ހަމަޔަށް މައްސަލަ ގޮސްފައި އޮންނަތާ ވެސް ހަތަރު މަހަށް ވުރެ ގިނަ ދުވަސް ވެއްޖެ އެވެ. ނަމަވެސް އަދި އެ މައްސަލާގައި ހުކުމެއް ނުކުރެ އެވެ. ހުކުމް ކުރުން ލަސްވާ ސަބަބެއް ކޯޓުން ސާފުކޮށްނުދޭ ކަމުގެ ކަންބޮޑުވުންތައް ވެސް ޔާމީންގެ ފަރާތުން ތަކުރާރުކޮށް ދަނީ ފާޅުކުރަމުންނެވެ.

ޔާމީން މިހާރު ހުކުމް ތަންފީޒުކުރައްވަމުން ގެންދަވަނީ ގޭގައި ހުންނަވައިގެންނެވެ.