ރައީސް މުއިއްޒު ރ. މީދޫގައި ބޭއްވި ޖަލްސާގައި ވާހަކަދައްކަވަނީ. (ފޮޓޯ/ ރައީސް އޮފީސް)
މަސްވެރިންނަށް ދޭންޖެހޭ ފައިސާގެ ބެކްލޮގް އެއްކޮށް ކްލިއާ ކުރެވިއްޖެ: ރައީސް
މަސްވެރިންނަށް ދޭންޖެހޭ ފައިސާގެ ބެކްލޮގް އެއްކޮށް ކްލިއާ ކުރެވި، ފައިސާ ދީ އިއްޔެ ނިންމާލެވިފައިވާ ކަމަށް ރައީސް މުހައްމަދު މުއިއްޒު ރޭ ވިދާޅުވެއްޖެ އެވެ.
ވީ ކިހިނެއް؟ - ރޯދައިގެ ކުރިން މަސްވެރިންނަށް ފައިސާދީ ނިންމާލުމަށް ރައީސް މުއިއްޒު ވެފައިވާ ވައުދާ އެއްގޮތަށް، ނުދެވި ހުރި 157 މިލިއަން ރުފިޔާ ދޫކުރުމުގެ މަަސައްކަތް އިއްޔެ ވަނީ ފަށައިފަ އެވެ.
ފިޝަރީޒް މިނިސްޓަރު އަހްމަދު ޝިޔާމް ރޭ 'ދައުރު' އަށް ވިދާޅުވިގޮތުން، ރޭގައި ވެސް އެ ފައިސާ މަސްވެރިންނަށް ޖަމާކުރުމުގެ ކަންކަން ކުރިއަށްދިޔައިރު މިއަދަށް ފައިސާދީ އެއްކޮށް ނިންމާލެވޭނެ ކަމަށް ބެލެވެ އެވެ.
ބުނީ ކީކޭ؟ - އޭގެ ފަހުން ރައީސް މުއިއްޒު ރޭ އެމަނިކުފާނުގެ އެކްސްގައި ކުރެއްވި ޕޯސްޓެއްގައި ވިދާޅުވީ:
-
މިއަދު ދެވުުނު ފައިސާއާ އެކު މިދިޔަ ހުކުރު ދުވަހާ ހަަމަޔަށް ބޭނި މަހަށް ފައިސާދީ މަސްވެރިންގެ ބެކްލޮގް އެއްކޮށް ކްލިއާ ކުރެވިފައިވާ ކަމަށް
Miadhu dhevunu faisaa aaeku, masverin mi dhiya hukuru dhuvahaahisaabah beyni hurihaa mahah faisaa dhee masveringe backlog ekkoh clear kurevijje.
— Dr Mohamed Muizzu (@MMuizzu) March 10, 2024
ގުޅުންހުރި ކަމެއް - ރޭ ޝިޔާމް ވިދާޅުވި ގޮތުން، މަސްވެރިންނަށް ދޭންޖެހޭ ހުރިހާ ފައިސާއެއް ޖަމާކޮށް ނިންމާލެވޭއިރު ކްރެޑިޓަށް ދޫކުރި ތެލާއި އައިސް ހިމެނޭ ގޮތަށް، މި ސަރުކާރުން މަސްވެރިންނަށް ދިން ފައިސާގެ އަދަދު 700 މިލިއަން ރުފިޔާއަށް ވުރެ ގިނަވާނެ ކަމަށް އަންދާޒާކުރެވެ އެވެ.
