ފަނޑިޔާރު މުހައްމަދު ނިޔާޒް (ފޮޓޯ/ޖޭއެސްސީ)
ފަނޑިޔާރު ނިޔާޒް ޖޭއެސްސީގެ ނައިބު ރައީސްއަކަށް
ޖުޑީޝަލް ސާވިސް ކޮމިޝަން (ޖޭއެސްސީ)ގެ ނައިބު ރައީސްގެ މަގާމަށް ހައި ކޯޓުގެ ފަނޑިޔާރު މުހައްމަދު ނިޔާޒް މިއަދު އިންތިހާބުކޮށްފި އެވެ.
ވީ ކިހިނެއް؟ - ޖޭއެސްސީގެ ނައިބު ރައީސްގެ މަގާމު ހުސްވީ، އެ މަގާމުގައި ކުރިން ހުންނެވި ސުޕްރީމް ކޯޓުގެ ފަނޑިޔާރު އައިޝާ ޝުޖޫންގެ ބަދަލުގައި އެ ކޯޓުގެ ފަނޑިޔާރު ހުސްނުއްސުއޫދު ޖޭއެސްސީގެ މެމްބަރުކަމަށް މިދިޔަ މަހު އައްޔަންކުރުމުންނެވެ.
ތަފްސީލް - ފަނޑިޔާރު ނިޔާޒް އެ މަގާމަށް މިއަދު އިންތިހާބުކުރީ އެ ކޮމިޝަނުގެ މެމްބަރުންގެ މެދުގައި ނެގި ވޯޓަކުންނެވެ.
އެނގުން މުހިންމު - އެ މަގާމުގައި ކުރިން ހުންނެވި ޝުޖޫން ޖޭއެސްސީގެ ނައިބު ރައީސްގެ މަގާމަށް އިންތިހާބުކުރީ 17 ޑިސެމްބަރުގަ އެވެ. އޭނާގެ މެމްބަރުކަމުގެ މުއްދަތު ހަމަނުވަނީސް، ޖޭއެސްސީގައި ސުޕްރީމް ކޯޓު ތަމްސީލުކުރައްވަން ހުސްނުއްސުއޫދު ހަމަޖެއްސި ސަބަބެއް އެ ކޯޓުން ހާމަކޮށްފައެއް ނުވެ އެވެ.