މާފުށީގައި އެއް ދުވަހާ ދެ މާރާމާރީ؛ ދެ މީހުން ހައްޔަރުކޮށްފި

ކ. މާފުށީގައި މިއަދުގެ ވަގުތެއްގައި ދެ މާރާމާރީއެއް ހިންގާފައިވާ ކަމަށާއި އެ މާރާމާރީތަކާ ގުޅިގެން ދެމީހުން ހައްޔަރު ކޮށްފައިވާ ކަމަށް ފުލުހުން ބުނެފި އެވެ.

ވީ ކިހިނެއް؟ - ފުލުހުން މިއަދު މީޑިއާތަކާ ހިއްސާކުރި ގޮތުގައި މާފުށީގައި ހިންގި މާރާމާރީއެއްގައި މީހަކަށް އަނިޔާވެގެން އުޅޭކަން ފުލުހުންނަށް ރިޕޯޓު ކޮށްފައިވަނީ މިއަދު ފަތިހު 5:30 ހާއިރު އެވެ. އޭގެ ފަހުން، މިއަދުގެ ވަގުތެއްގައި އަނެއްކާ ވެސް އިތުރު މާރާމާރީއެއް އެރަށުގައި ހިންގާފައިވާ ކަމަށް ފުލުހުން ބުންޏެވެ. އެގޮތުން:

ފާހަގަކޮށްލެވޭ - ފަތިހުގެ މާރާމާރީގައި އަނިޔާ ލިބިފައިވަނީ 34 އަހަރުގެ ދިވެހި ފިރިހެނަކަށެވެ. އެ މީހާއަށް ފުރަތަމަ ފަރުވާ ދީފައިވަނީ މާފުށީ ހޮސްޕިޓަލުގަ އެވެ. ނަމަވެސް، އިތުރު ފަރުވާއަށް މާލެ ގެނެސް އޭނާއަށް މިހާރު ފަރުވާ ދެމުންދަނީ ހުޅުމާލޭގެ ޓްރީ ޓޮޕް ހޮސްޕިޓަލްގަ އެވެ. އޭނާއަށް ލިބުު އަނިޔާތަކުގެ އެއްވެސް ތަފްސީލެއް ފުލުހުން ހާމައެއް ނުކުރެ އެވެ.

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.