ޗަައިނާ އިން ރާއްޖެ އަށް އަސްކަރީ އެހީތެރިކަން ފޯރުކޮށްދިނުމުގެ އެއްބަސްވުމުގައި ސޮއިިކުރުން (ފޮޓޯ/ޑިފެންސް މިނިސްޓްރީ)
ޗައިނާއިން ރާއްޖެއަށް އަސްކަރީ އެހީތެރިކަން ފޯރުކޮށްދޭން އެއްބަސްވުމެއް
ޗައިނާ އިން ރާއްޖެ އަށް އަސްކަރީ އެހީތެރިކަން ފޯރުކޮށްދިނުމުގެ އެއްބަސްވުމެއްގައި ސޮއިކޮށްފި އެވެ.
ވީ ކިހިނެއް؟ - ޑިފެންސް މިނިސްޓްރީ އިން 'އެކްސް' ގައި ކުރި ޕޯސްޓެއްގައި ބުނީ އަސްކަރީ ދާއިރާ އިން ރާއްޖެ އާއި ޗައިނާއާ ދެމެދު އޮންނަ ގުޅުން ބަދަހި ކުރުމަށް ޗައިނާ އިން ރާއްޖެ އަށް އަސްކަރީ އެހީތެރިކަން ފޯރުކޮށްދިނުމުގެ އެއްބަސްވުމެއްގައި މިއަދު ސޮއިކޮށްފައިވާ ކަމަށެވެ.
ތަފްސީލް - އެއްބަސްވުމުގައި ސޮއިކުރެއްވީ:
-
ދިވެހި ސަރުކާރުގެ ފަރާތުން ޑިފެންސް މިނިސްޓަރު މުހައްމަދު ގައްސާން މައުމޫން
-
ޗައިނާގެ ފަރާތުން، މިހާރު ރާއްޖެ ވަަޑައިގެން އުޅުއްވާ އެ ގައުމުގެ ޑެޕިއުޓީ ޑިރެކްޓާ އޮފް ދަ އޮފީސް ފޯ އިންޓަނޭޝަނަލް މިލިޓަރީ ކޯޕަރޭޝަންގެ މޭޖާ ޖެނެރަލް ޖަންގް ބައޮކުއަން
Minister of Defence @mgmaumoon and Major General Zhang Baoqun, Deputy Director of the Office for International Military Cooperation of the People's Republic of China, signed an agreement on China's provision of military assistance gratis to the Republic of Maldives, fostering… pic.twitter.com/OeaAe2QZr9
— Ministry of Defence (@MoDmv) March 4, 2024
މި އެއްބަސްވުމުގެ ތަފްސީލެއް ޑިފެންސް މިނިސްޓްރީން ހާމައެއް ނުކުރެ އެވެ.
ފާހަގަ ކުރެވޭ ކަމެއް - މިހާރުގެ ސަރުކާރު ފާހަގަ ކުރެވެނީ ޗައިނާއާ އެކު ގާތް ގުޅުމެއް ބާއްވާ ސަރުކާރެއްގެ ގޮތުގަ އެވެ. ރައީސް މުހައްމަދު މުއިއްޒު މިދިޔަ ޖެނުއަރީ މަހު ޗައިނާ އަށް ކުރެއްވި ދަތުރުފުޅުގައި ވެސް އެކި ދާއިރާތަކުން ދެ ގައުމުގެ ގުޅުން ބަދަހިކުރުމަށް އެމްއޯޔޫ ތަކުގައި ވަނީ ސޮއިކޮށްފަ އެވެ.