4 ޕެޓްރޯލް ބޯޓު ގަންނަން އެމެރިކާއިން 8 މިލިއަން ޑޮލަރު ދެނީ

ރާއްޖެއިން ހަތަރު ޕެޓްރޯލް ބޯޓު ގަންނަން އެމެރިކާ އިން 8 މިލިއަން ޑޮލަރު (123 މިލިއަން ރުފިޔާ) ދޭން މަޝްވަރާކޮށްފި އެވެ.

ވީ ކިހިނެއް؟ - މި އުޅަނދުތައް ގަތުމަށް އެމެރިކާއިން ފައިސާ ދިނުމާ ބެހޭ ގޮތުން ވާހަކަދެއްކީ އެމެރިކާގެ ޑެޕިއުޓީ ސެކްރެޓަރީ އޮފް ސްޓޭޓް ފޯ މެނޭޖްމަންޓް އެންޑް ރިސޯސަސް، ރިޗާޑް ވާމާ މިދިޔަ ބުރާސްފަތި ދުވަހު ރާއްޖެއަށް ކުރެއްވި ދަތުރުގައި ފޮރިން މިނިސްޓަރު މޫސާ ޒަމީރުއާ ބައްދަލުކުރެއްވުމުގަ އެވެ.

ތަފްސީލް - އެމެރިކާއިން އިއްޔެ ނެރުނު ނޫސްބަޔާނެއްގައި ވާ ގޮތުން ހަތަރު ޕެޓްރޯލް އުޅަނދަށް ފައިސާ ދިނުމުގެ ބޭނުމަކީ:

މިކަމާ ބެހޭ މައުލޫމާތު މިހާތަނަށް ދިވެހި ސަރުކާރުން ހިއްސާކޮށްފައެއް ނުވެ އެވެ.

ފާހަގަކޮށްލެވޭ - އެމެރިކާގެ ޑެޕިއުޓީ ސެކްރެޓަރީ އޮފް ސްޓޭޓް ރާއްޖެއަށް ކުރެއްވި ދަތުރުގެ ބައްދަލުވުންތަކުގައި ޒަމީރުގެ އިތުރުން ވެސް ގިނަ ވަޒީރުންތަކެއް ބައިވެރިވެވަޑައިގެންނެވި އެވެ. އޭގެ ތެރޭގައި:

ފާހަގަކޮށްލެވޭ - ރާއްޖޭގެ ކަނޑުގެ ސަރަހައްދަށް މި ފަހުން އިންޑިއާގެ އަސްކަރީ އުޅަނދުތަކެއް ވަދެ، ރާއްޖޭގެ މަސް ދޯނިތަކަކަށް އަރާ ބަލާފާސްކުރި އެވެ. އެކަމާ ގުޅިގެން އިންޑިއާއިން އަދިވެސް ޖަވާބުދާރީވެފައެއް ނުވެ އެވެ. ރާއްޖޭގެ ކަނޑުގެ ސަރަހައްދު ރަނގަޅަށް ބެލެހެއްޓޭނެ ގާބިލުކަން ރާއްޖޭގައި ނެތެވެ.

އެނގުން މުހިއްމު - އެ މައްސަލަތަކަށް ފަހު، ރާއްޖޭގެ ކަނޑުގެ ސަރަހައްދު 24 ގަޑިއިރު ހުއްޓުމެއް ނެތި ބެލެހެއްޓޭނެ ގާބިލުކަން ދިވެހި އަސްކަރިއްޔާގައި ގާއިމްކުރައްވާނެ ކަމަށް ރައީސް މުހައްމަދު މުއިއްޒު ވަނީ ވިދާޅުވެފަ އެވެ.