އއ. ތޮއްޑޫ. (ފޮޓޯ/ޓްރިޕް އެޑްވައިޒާ)
ތޮއްޑޫގައި ހިންގި މާރާމާރީއެއްގައި ރަޝިޔާ މީހަކަށް އަނިޔާވެއްޖެ
އއ. ތޮއްޑޫގައި ހިންގާ ޑައިވް ސެންޓަރެއްގެ ތެރޭ އިއްޔެ ހިންގި މާރާމާރީއެއްގައި ރަޝިޔާ މީހަކަށް އަނިޔާވެއްޖެ އެވެ.
ވީކިހިނެއް؟ - ފުލުހުން ބުނީ އިއްޔެ އިރުއޮއްސި 6 ޖަހާ އެހާކަންހާއިރު އެ މާރާމާރީ ހިންގީ ތޮއްޑޫގައި ހިންގާ 'ޑައިވް ވިލާ' ސެންޓަރުގައި ކަމަށެވެ.
ތަފްސީލް - ފުލުހުން ބުނި ގޮތުގައި އެ މާރާމާރީގައި އަނިޔާވީ އެތަނުގައި މަސައްކަތް ކުރާ 42 އަހަރުގެ ރަޝިޔާ ރައްޔިތަކަށެވެ.
-
އޭނާއަށް އެ ރަށު ސިއްހީ މަރުކަޒުން ފަރުވާ ދިނުމަށް ފަހު މިހާރު ވަނީ ދޫކޮށްލާފައި
އެ ރަށުން ވާހަކަ ދެއްކި މައުލޫމާތު އެނގި ހުރި މީހަކު މިއަދު 'ދައުރު' އަށް ބުނި ގޮތުގައި:
-
މާރާމާރީ ހިންގީ ޑައިވްއަށް ގެންދިޔަ ޓޫރިސްޓަކު ނުލާ ޑައިވް ސެންޓަރުގެ މުވައްޒަފަކު އަނބުރާ ރަށަށް އައި ކަމަށް ބުނެ ހިނގި ދެ ބަސްވުމެއް ހޫނުވެގެން
ތަރުޖަމާނުގެ ބަސް - ފުލުހުންގެ ތަރުޖަމާން ޗީފް ސްޕްރިޓެންޑެންޓް އަހުމަދު ޝިފާން މިއަދު 'ދައުރު' އަށް ވިދާޅުވީ މިކަމުގައި ގޭންގެއްގެ ބައިވެރިވުމެއް ނެތް ކަމަށް މިހާތަނަށް ކުރި ތަހުގީގުން އެނގިފައިވާ ކަމަށެވެ.