މީގެ ކުރިން ބޯކޮށް ވާރޭވެހުނު ދުވަހެއްގައި މާލޭގައި ފެން ބޮޑުވެފައި (ދައުރު ފޮޓޯ/ މުޒައްޔިން ނާޒިމް)
ދެކުނާއި މެދުރާއްޖެ ތެރެއަށް ވިއްސާރަވާނެ، ކަނޑުތައް ގަދަ
މިރޭ މެދުރާއްޖެ ތެރެ އާއި ދެކުނުގެ ސަރަހައްދުތަކަށް ބޯކޮށް ވާރޭވެހި ކަނޑުތައް ގަދަވާނެ ކަމަށް މޫސުމާ ބެހޭ ގައުމީ އިދާރާ (މެޓް) އިން ބުނެފި އެވެ.
ވީ ކިހިނެއް؟ - މާދަމާގެ ހެނދުނު 6އާ ހަމައަށް މޫސުން ލަފާކޮށް އެ އިދާރާ އިން ނެރުނު މޫސުމާ ބެހޭ އެލާޓުގައި ބުނީ މެދުރާއްޖެ ތެރެ އާއި ދެކުނުގެ ސަރަހައްދުތަކަށް ގުގުރުމާ އެކު ބޯކޮށް ވާރޭ ވެހޭނެ ކަމަށް ލަފާކުރެވޭ ކަމަށެވެ.
ތަފްސީލް - މެޓުން ބުނީ އުތުރުގެ ސަރަހައްދުތަކުގެ މޫސުން އާންމު ގޮތެއްގައި ރަނގަޅުވާނެ ކަމަށެވެ.
މެދުރާއްޖެތެރެ އާއި އުތުރުގެ ކަނޑުތައް ގަދަވާނެ ކަމަށް ލަފާކޮށްފައިވާއިރު ދެކުނުގެ ކަނޑުތައް އާދައިގެ ވަރަކަށް މަޑުވާނެ ކަމަށް ވެސް ވަނީ ލަފާކޮށްފަ އެވެ.
-
އުތުރާއި މެދުރާއްޖެ ތެރޭގެ ސަރަހައްދުތަކުގައި ރާޅުގެ އުސްމިން 4-7 ފޫޓަށް ހުންނާނެ ކަމަށް ލަފާކޮށްފައިވޭ
-
ދެކުނުގެ ސަރަހައްދުތަކުގައި ރާޅުގެ އުސްމިން ހުންނާނެ ކަމަށް ލަފާކޮށްފައިވަނީ 2-4 ފޫޓަށް
ވިއްސާރަވެ ކަނޑުތައް ގަދަވާނެތީ، ކަނޑު ދަތުރުކުރާ ފަރާތްތަކުން މޫސުމަށް ސަމާލުވާން މެޓުން އިލްތިމާސް ކުރެ އެވެ.