ކުއްލި ގޮތަކަށް ރޭ އަވަހާރަވި ބާ ކައުންސިލްގެ ރައީސް އިސްމާއިލް ވިޝާމް. (ދައުރު ފޮޓޯ/ އަބްދުﷲ ޔަޝާއު)
ގެއްލިގެން އެ ދިޔައީ ހުނަރުވެރި، ހިދުމަތްތެރި ޒުވާނެއް
ބާ ކައުންސިލްގެ ރައީސްކަމުގެ މަގާމުގައި ހުންނެވި އިސްމާއިލް ވިޝާމްގެ ކުއްލި ވަކިވުމަކީ، ގާނޫނީ ދާއިރާގެ ބޭފުޅުން ސިފަކުރައްވާ ގޮތުގައި، މުޅި ދާއިރާއަށް ވެސް ލިބުނު ފޫނުބެއްދޭނެ ހުސްކަމެކެވެ. ގާނޫނީ ދާއިރާއިން މުޅި ގައުމަށް ލިބުނު ދެރައެކެވެ.
އުމުރުން އެންމެ 39 އަހަރުގައި ރޭ އަވަހާރަވި ނަމަވެސް، އޭނާގެ ގާނޫނީ ހަޔާތުގައި ވިޝާމް ވަނީ ގައުމަށް އަގުހުރި އެތައް ހިދުމަތްތަކެއް ކޮށްދެއްވާފަ އެވެ. ގާނޫނީ ވަކީލުކަމުން ފެށިގެން ގޮސް އެޓާނީ ޖެނެރަލް (އޭޖީ) އޮފީހުގައި ބަންޑާރަނައިބުގެ އެސިސްޓެންޓު ކަމުގެ މަގާމާއި، އޭނާ އެންމެ ފަހުން ފުރުއްވަމުން ގެންދެވި ބާ ކައުންސިލްގެ ރައީސް ކަމުގައި ހުންނަވައިގެން ކުރައްވާފައިވާ މަސައްކަތްތަކުގެ އަގުވަޒަންކޮށް، އެތައް ބަޔަކު އެކަން ފާހަގަކުރަނީ ވެސް އެ ސަބަބަށްޓަކަ އެވެ.
"ބާ ކައުންސިލްގެ ރައީސް އަލްއުސްތާޒް އިސްމާއިލް ވިޝާމް އަވަހާރަވުމަކީ ރާއްޖޭގެ ގާނޫނީ ހިދުމަތުގެ ދާއިރާއަށް ލިބުނު ފޫނުބެދޭނެ އުނިކަމެކެވެ. ގައުމަށް އެ ގެއްލުނީ ހިދުމަތްތެރި ޒުވާން ތައުލީމީ ދަރިއެކެވެ،" ރައީސް މުހައްމަދު މުއިއްޒު ކުރެއްވި ތައުޒިޔާގެ މެސެޖުގައި ވިދާޅުވި އެވެ.
ބާ ކައުންސިލުން ނެރުނު ތައުޒިޔާގެ މެސެޖުގައި ފާހަގަކުރި ގޮތުގައި، ވިޝާމްގެ ވަކިވެވަޑައިގަތުމަކީ ރާއްޖޭގެ ބާ ކައުންސިލަށާއި ދިވެހިރާއްޖޭގެ ގާނޫނީ ފަންނަށް ލިބުނު ވަރަށް ބޮޑު ފަޅުކަމެކެވެ.
"އެމަނިކުފާނުގެ ޒައާމަތުގައި ދިވެހިރާއްޖޭގެ ގާނޫނީ ފަންނަށް ވަނީ އަގުހުރި ހިދުމަތްތަކެއް ކޮށްދެއްވައި، ގާނޫނީ ފަންނު ކުރިއަރުވައި، ގާނޫނީ ވަކީލުންގެ މަސައްކަތަށް ބޭނުންވާ ކަންކަން ފަހިކޮށްދެއްވުމަށް ގިނަ މަސައްކަތްތަކެއް ކުރައްވާފަ އެވެ،" އެ މެސެޖުގައިވެ އެވެ.
ރައީސް ވެސް ހިމެނިވަޑައިގަންނަވާހެން ސަރުކާރުގެ މަތީ ބޭފުޅުންނާއި، ގާނޫނީ ދާއިރާގެ ފުންނާބު އުސް ބޭފުޅުން ވިޝާމްގެ ކާމިޔާބީތަކާއި ރަނގަޅު ސިފަތަކަށް ތައުރީފު ކުރައްވާ، ތައުޒިޔާގެ މެސެޖުތައް ލިޔުއްވާފައިވެ އެވެ. އޭނާގެ ކުއްލި ވަކިވުމުގެ ހިތާމައިގައި އެތައް ބަޔަކު ބައިވެރިވެ، ތައުޒިޔާގެ މެސެޖުތަކުން ސޯޝަލް މީޑިއާ ފުރާލާފައި ވުމުން ދޭހަވަނީ މީހުންގެ ހިތްތަކުގައި ވިޝާމްއަށް އޮތް ލޯތްބާއި އިހުތިރާމާއި ގަދަރުގެ މިންވަރެވެ.
I am stunned to hear about the passing of Wisham, the President of @MvBarCouncil. He was a brilliant lawyer & a colleague who connected with everyone. My deepest condolences to his family & friends. May his legacy continue to inspire us all! May Allah grant him eternal paradise.
— I Riffath (@ibriffath) January 31, 2024
I'm deeply saddened and shocked by the sudden passing of @MvBarCouncil’s president, Visham. A brilliant legal mind popular among all! He will be missed! My heartfelt condolences go out to the grieving family. May Allah grant him eternal paradise. Ameen! https://t.co/7wmBLobkUW
— 𝐈𝐦𝐭𝐡𝐢𝐲𝐚𝐳 𝐅𝐚𝐡𝐦𝐲 (@Imthiyazfahmy) January 31, 2024
My sincere condolences on the passing of Maldives Bar Council’s President Uz. Ismail Visham. His contributions were truly remarkable. Indeed a loss to our nation. Thence, his memories will be cherished. Wishing his family strength during this difficult period.
— Mohamed Nazim (@nazim7878) February 1, 2024
Deeply saddened by the news of the passing of Uz. Ismail Wisham, President of the @MvBarCouncil. His leadership and dedication have left an indelible mark on our legal community. Heartfelt condolences to his family and friends. May Allah Almighty grant him Jannat ul Firdaus, and… pic.twitter.com/B9rjrMNmGW
— Ahmed Usham (@a_usham) January 31, 2024
"ވިޝާމް އަކީ ޅަ އުމުރެއްގައި ވެސް ރާއްޖޭގެ ގާނޫނީ ދާއިރާއަށް ފާހަގަކޮށްލެވޭ ހިދުމަތްތަކެއް ކޮށްދެއްވި، މޮޅު ގާނޫނީ ވަކީލެކެވެ. އަހަރެންނާ އެކު ދެ މައްސަލައެއްގައި ކޯޓަށް ވަޑައިގެންދެއްވި އެވެ. އެ ދެ މައްސަލައިގައި ވެސް ވިޝާމްގެ އިލްމާއި ހުނަރު އަހަރެންނަށް ފެނުނެވެ،" ރާއްޖޭގެ ޑިމޮކްރަސީ ކުރިއެރުވުމުގައި މުހިއްމު ދައުރެއް އަދާކުރައްވާފައިވާ އިބްރާހިމް އިސްމާއިލް (އިބްރާ) ފޭސްބުކްގައި ލިޔުއްވި އެވެ.
"މީގެ އިތުރުން ގާނޫނީ އެކިއެކި ސުވާލުތަކާއި ބަހުސްތަކުގައި ވިޝާމްއާ އެކު ވަރަށް ގިނަ ވަގުތު ހޭދަކުރެވިފައިވެ އެވެ. ވަކިން ހާއްސަކޮށް ރާއްޖޭގެ ގާނޫނުއަސާސީ އާއި ފަލްސަފާ އަދި ރާއްޖޭގެ ޝަރުއީ ދާއިރާގައި ހުރި ގޮންޖެހުންތަކާއި ގާނޫނީ ނިޒާމު ހަރުދަނާ ކުރުމާއި އިންސާފު ގާއިމްކުރުމުގައި ހުރި އުނދަގޫތަކާ ގުޅޭ ގިނަ ވާހަކަތަކެއް ވިޝާމްއާ އެކު ދެކެވިފައިވެ އެވެ."
އިބްރާހިމް އިސްމާއިލް ވިދާޅުވި ގޮތުގައި، އެކަންކަމުގެ ތެރެއިން އެހާ ޅައުމުރުގައި ވެސް ވިޝާމްގެ ތޫނުފިލިކަމާއި ވިސްނުމުގެ ތަނަވަސްކަން އޭނާއަށް ފާހަގަކުރެއްވުނެވެ.
"މެދު އުޑަށް ވެސް ނާރަނީސް، ގެއްލިގެން އެ ދިޔައީ ހިދުމަތްތެރި، އަލިގަދަ ތަރިއެކެވެ،" އޭނާ ލިޔުއްވި އެވެ.
ކޮމެންޓް (1)
ސަނައްޓޭ