މައިކު އަތުލުމާއި ހަޅޭކުގެ ތެރޭގައި ވަޒީރުންނަށް ވޯޓަށް ނޭހި ޖަލްސާ ނިންމާލައިފި

ޖަލްސާ ފަށަން ތިން ވަނަ ފަހަރަށް މަސައްކަތްކޮށްގެން ވެސް ކާމިޔާބު ނުވުމުން އަނެއްކާވެސް ޖަލްސާ މެދުކަނޑާލައިފި.

މަޖިލީހުގެ ޖަލްސާ ފެށޭތޯ މަޖިލީހުގެ ރައީސް އަސްލަމް މަސައްކަތް ކުރައްވަމުން އެބަގެންދަވާ. ނަމަވެސް، ސަރުކާރުގެ މެމްބަރުން ގެންދަވަނީ ރިޔާސަތު މޭޒު ވަށާލައިގެން ތިއްބަވައި ދުންމާރި ފުމެ، ޖަލްސާ ފަށަން ހުރަސް އަޅަމުން. ކޮމަންޑޫ ދާއިރާގެ މެމްބަރު ރާޝިދު ވަނީ ރިޔާސަތުގެ މައިކު ނަގައިގެން ގެންގޮސްފައި.

މަޖިލީހުގެ ބައެއް މެމްބަރުން ދެންމެއަކު 'ދައުރު'އަށް ވިދާޅުވި ގޮތުގައި، ވަޒީރުންނަށް ރުހުން ދިނުމުގެ ވޯޓު މިރޭ 8ގައި ނެގޭތޯ މިހާރު އަންނަނީ މަސައްކަތް ކުރަމުން.

ކަނޑިތީމު ދާއިރާގެ މެމްބަރު އަބްދުﷲ ޝަހީމް އަބްދުލް ހަކީމަށް އަނިޔާވެގެން އެމްބިއުލާންސްގައި ހޮސްޕިޓަލަށް ގެންގޮސްފި.

މަޖިލިސް ތަޅުމުގައި މެމްބަރުން މާރާމާރީ ހިންގައިފި. ރިޔާސަތުގައި މަޖިލީހުގެ ރައީސް އަސްލަމް އިންނެވިއިރު، އޭނާގެ ވަށައިގެން ތިއްބެވި އެމްޑީޕީ މެމްބަރުންނާއި ޕީޕީއެމް-ޕީއެންސީ މެމްބަރުންގެ މެދުގައި މާރާމާރީ ހިންގާފައިވޭ.

މަޖިލީހުގެ ޖަލްސާ އަދިވެސް ނުފެށޭ. މަޖިލިސް ކުރާ ގޭގެ ބޭރުގައި ހުންނަވައި މީޑިއާތަކާ ވާހަކަދައްކަވަމުން، ޕީއެންސީގެ ޗެއާޕާސަން އަބްދުއްރަހީމް އަބްދުﷲ ވިދާޅުވީ މިއީ ސީދާ ކުރީގެ ރައީސް އިބްރާހިމް މުހައްމަދު ސޯލިހު އަޑީގައި ހުންނަވައިގެން ކުރައްވަމުން ގެންދަވާ ކަމެއް ކަމަށް. ކުރިއަށް އޮތް އިންތިހާބަށް ފަހު މަޖިލިސް ބަދަލުވުމާ އެކު، "ދެން އެ ބޭފުޅުންގެ [އިދިކޮޅު މެމްބަރުންގެ] ބޭނުމެއް ނޯންނާނެ" ކަމަށާއި، ވަޒީރުންނަށް ރުހުން ދިނުން ހުއްޓުވޭނެ އެއްވެސް ގޮތެއް ވެސް ނޯންނާނެ ކަމަށް އަބްދުއްރަހީމް ވިދާޅުވި.

ވެރިކަން ކޯލިޝަންގެ އިސް ބައެއް ބޭފުޅުން ވެސް މަޖިލިސް އިދާރާ ކައިރީގައި މި ވަގުތު އެބަތިއްބެވި. އޭގެ ތެރޭގައި ޕީއެންސީގެ ޗެއާޕާސަން އަބްދުއްރަހީމް އަބްދުﷲ އަދި ރައީސް އޮފީހުގެ މިނިސްޓަރު އަލީ އާރިފް ވެސް ހިމެނިވަޑައިގަންނަވާ.

އިދިކޮޅު މެމްބަރުންނަށް ތަޅުމަށް ނުވަދެވޭ ގޮތަށް ދޮރުތައް އެތެރެއިން ތަޅުލާފައިވާ ކަމަށް ބައެއް މެމްބަރުން ވިދާޅުވޭ. ތަޅުމުގައި މި ވަގުތު ވެރިކަން ކުރާ ޕީޕީއެމް-ޕީއެންސީގެ މެމްބަރުން ގެންދަވަނީ އިހުތިޖާޖު ކުރައްވަމުން.

ޖަލްސާ ނުފެށި ލަސްވަނީ، ބައެއް ވަޒީރުންނަށް ރުހުން ނުދިނުމަށް އިދިކޮޅުން ނިންމުމުން، ވެރިކަން ކުރާ ޕީޕީއެމް-ޕީއެންސީގެ މެމްބަރުން ތަޅުމުގައި އިހުތިޖާޖު ކުރައްވާތީ.

ކެބިނެޓަށް ރުހުން ދިނުމާ މެދު ވޯޓަށް އެހުން މިއަދު މެންދުރު ފަހު 1:30ގައި ފަށަން ތާވަލްކޮށްފައިވޭ. ނަމަވެސް، ޖަލްސާ އަދި ނުފަށާ. ސަރުކާރަށް ތާއީދުކުރާ ބަޔަކު މި ވަގުތު ދަނީ މަޖިލިސް ކުރާ ގޭގެ ދޮށުގައި، ހުރިހާ ވަޒީރުންނަށް ރުހުން ދިނުމަށް ގޮވާލައި އަޑުއުފުލަމުން.

އެމްޑީޕީން ނިންމާފައި ވަނީ ހަތަރު ވަޒީރަކަށް ރުހުން ނުދޭން. އެއީ:

ޑިމޮކްރެޓްސް އިން ވެސް ވަނީ ހަތަރު ވަޒީރަކަށް ރުހުން ނުދޭން ނިންމާފައި. އެއީ:

ވޯޓަށް އެހުން އޮތީ މިއަދު މެންދުރު ފަހު 1:30ގައި ކަމަށް ރިޔާސަތުން އިއުލާންކުރުމަށް ފަހު، ޖަލްސާ މެދުކަނޑާލައިފި.

ބަހުސްގެ ވަގުތު ނިމިއްޖެ.

މާމިިގިލީ ދާއިރާގެ މެމްބަރު ގާސިމް އިބްރާހިމް (ޖޭޕީ):

ކުޑަހުވަދޫ ދާއިރާގެ މެމްބަރު އަހުމަދު އާމިރު (އެމްޑީއޭ):

ތުލުސްދޫ ދާއިރާގެ މެމްބަރު އިބްރާހިމް ނަސީމް (ޕީއެންސީ):

މެދު ހެންވޭރު ދާއިރާގެ މެމްބަރު އަލީ އާޒިމް (ޑިމޮކްރެޓްސް):

ހޯރަފުށީ ދާއިރާގެ މެމްބަރު އަހުމަދު ސަލީމް (އެމްޑީޕީ):

މަހިބަދޫ ދާއިރާގެ މެމްބަރު އަހުމަދު ތޯރިގް (ޕީޕީއެމް): 

ތިމަރަފުށީ ދާއިރާގެ މެމްބަރު އަބްދުﷲ ރިޔާޒް:

ކޮމިޓީ ރިޕޯޓް އިއްވާ ނިމުމާ އެކު، އެ ރިޕޯޓަށް ބަހުސްކުރަން ޖުމްލަ 30 މިނިޓް ލިބޭނެ ކަމަށް ރިޔާސަތުން އިއުލާންކޮށްފި.

ވަޒީރުންނަށް ރުހުން ދިނުމާ ގުޅޭ ގޮތުން ކޮމިޓީން އެކުލަވާލި ރިޕޯޓް އިއްވަން ފަށައިފި.

އެމްޑީޕީގެ ގިނަ އަދަދެއްގެ މެމްބަރުން ޕީއެންސީއަށް ސޮއިކުރައްވާފައިވާތީ، މަޖިލިސް އެކުލެވިގެންވާ ގޮތަށް އައިސްފައިވާ ބަދަލުތައް މަޖިލީހުގެ ރައީސް މުހައްމަދު އަސްލަމް ވަނީ ދެންމެ އިއުލާންކުރައްވާފައި. އެގޮތުން، މިހާރު މެމްބަރުން ބެހިގެންވާ ގޮތަކީ:

އެއާ އެކު، މަޖިލީހުގެ މައިނޮރިޓީ ލީޑަރަކީ ޕީއެންސީގެ ޕާލިމެންޓްރީ ގްރޫޕުގެ ލީޑަރު، ފޮނަދޫ ދާއިރާގެ މެމްބަރު މޫސާ ސިރާޖުކަން ވެސް ރިޔާސަތުން ވަނީ އިއުލާންކުރައްވާފައި.

މި ޖަލްސާގެ އިރުކޮޅެއް ކުރިން، މިހާރު އިދިކޮޅު ޕާޓީއެއްގެ ގޮތުގައި މަސައްކަތް ކުރާ ޑިމޮކްރެޓްސް އިން ވަނީ ބަޔާނެއް ނެރެފައި. އެ ބަޔާނުގައި ޑިމޮކްރެޓްސް އިން ބުނީ، ޑިމޮކްރެޓްސް ބިނާވެގެންވާ އަސާސްތަކުގެ މައްޗަށް ބަލާއިރު އެ ޕާޓީން އިންތިހާއަށް ކަންބޮޑުވާ ސިޔާސަތުތަކެއް ރައީސް މުހައްމަދު މުއިއްޒުގެ ސަރުކާރުން ގެންގުޅޭތީ، މި ސަރުކާރުގެ ކެބިނެޓްގެ ބައެއް ވަޒީރުންނަށް ރުހުން ނުދިނުމަށް ޑިމޮކްރެޓްސްގެ ޕާލަމެންޓްރީ ގްރޫޕުގެ ބައްދަލުވުމުގެ މަޝްވަރާއަށް ފަހު އިއްތިފާގުން ނިންމާފައިވާ ކަމަށް.

"ދަ ޑިމޮކްރެޓްސް ގަބޫލުކުރާގޮތުގައި ރައްޔިތުންގެ ފަރާތުން ސަރުކާރު ޖަވާބުދާރީކޮށް، ޑިމޮކްރެޓިކް ހެޔޮވެރިކަމުގެ ނިޒާމެއް ގާއިމުވެފައި ބޭއްވުމަށް، ވަރުގަދައަށް ސާބިތުވެ އޮންނަ އިދިކޮޅު ސިޔާސީ ޕާޓީ އާއި އިދިކޮޅު ރައްޔިތުންގެ މަޖިލީހުގެ މެމްބަރުން ތިބުމަކީ ކޮންމެހެން މުހިއްމު ކަމެކެވެ. ސަރުކާރު އަމަލުކުރަމުންދާ ގޮތްތައް ގާތުން ބަލައި ސަރުކާރާއި ކެބިނެޓްގެ ވަޒީރުން ޖަވާބުދާރީކުރުވުމަކީ ރައްޔިތުންގެ މަޖިލީހުގެ މަސްއޫލިއްޔަތުތަކުގެ ތެރޭގައި ހިމެނޭ ކަންކަމެވެ،" ބަޔާނުގައިވެ އެވެ.

"އިދިކޮޅު ޕާލަމެންޓްރީ ގްރޫޕެއްގެ ގޮތުން މި ޕާލަމެންޓްރީ ގްރޫޕުން އަމަލުކުރާނީ ފުރިހަމަ ޒިންމާދާރުކަމާއި ތެދުވެރިކަމާ އެކުގަ އެވެ. އެގޮތުން، ވަޒީރުންނަށް ރުހުން ދިނުމުގައި ވެސް މި ޕާލަމެންޓްރީ ގްރޫޕުން އަމަލުކުރާނީ އެ ގޮތުގެ މަތީންނެވެ."

އެޖެންޑާގައި ފުރަތަމަ އޮތީ، ބިމާ ބެހޭ ގާނޫނަށް ގަލޮޅު ދެކުނު ދާއިރާގެ މެންބަރު މީކާއިލް ނަސީމް ހުށަހަޅުއްވާފައިވާ އިސްލާހުގެ ފުރަތަމަ ކިޔުން އިއްވުން. އެއަށް ފަހު އޮތީ އިންތިހާބުތަކުގެ އާންމު ގާނޫނަށް އިހަވަންދޫ ދާއިރާގެ މެންބަރު މުހައްމަދު ޝިފާއު ހުށަހަޅުއްވާފައިވާ ބިލުގެ ފުރަތަމަ ކިޔުން އިއްވުން.

ޖަލްސާ ފަށައިފި. ޖުމްލަ 49 މެމްބަރުން ހާޒިރުވެ އެބަތިއްބެވި.