ކަޅުއޮށްފުންމީގެ ނަކަލު މާލެ ގެނެސް ކަޅުވަކަރު މިސްކިތް ކައިރި ބަހައްޓައިފި

ޕޯޗުގީޒުންގެ އަތުން ރާއްޖެ މިނިވަންކުރެއްވުމަށްޓަކައި ބޮޑުތަކުރުފާނު ބެންނެވި ކަޅުކޮށްފުންމީގެ ނަކަލު މާލެ ގެނެސް، ކަޅުވަކަރު މިސްކިތް ކައިރީގައި ބަހައްޓައިފި އެވެ.

ވީ ކިހިނެއް؟ - ކ. އާރަށުގައި އެހެލާފައި އޮތް ކަޅުއޮށްފުންމީގެ ނަކަލު މާލެ ގެނައުމަށް ހެރިޓޭޖް މިނިސްޓްރީން ނިންމާފައިވަނީ، ބޮޑުތަކުރުފާނު ރާއްޖެ މިނިވަން ކުރަން ކުރެއްވި ޖިހާދާ ބެހޭ މައުލޫމާތު ލިބޭނެ އިންތިޒާމުތަކާ އެކު، އެ ކަމުގައި އެ މަނިކުފާނު ބޭނުންކުރެއްވި އޮޑި ގިނަ ބަޔަކަށް ފެންނާނެ ގޮތަށް ބެހެއްޓުމަށެވެ.

އެ އޮޑި މާލެ ގެނެސްފައިވަނީ މުދާ އުފުލާ ބަނޑެއްގައި ރޭ 11:30 ހާއިރެވެ. އެއަށް ފަހު، އެއް ނަންބަރު ފާލަމުން އެއްގަމު އުޅަނދެއްގައި ރޭ ކަޅުވަކަރު މިސްކިތް ހިމެނޭ ސަރަހައްދަށް ގެންގޮސްފައިވެ އެވެ.

ކަޅުވަކަރު މިސްކިތާއި ޕާކު ސަރަހައްދުގައި ކުރަން ހުރި ބައެއް މަސައްކަތްތައް ކުރުމަށް ހެރިޓޭޖް މިނިސްޓްރީން ވަނީ އިއްޔެއިން ފެށިގެން މިސްކިތާއި ޕާކު ބަންދުކޮށްފަ އެވެ.

ތަފްސީލް - ހެރިޓޭޖް މިނިސްޓްރީން ބުނެފައިވާ ގޮތުގައި:

އެނގުން މުހިއްމު - ބޮޑުތަކުރުފާނު ދަތުރުކުރެއްވި އޮޑިކޮޅާ އެއްގޮތަށް، ދިގުމިނުގައި 51 ފޫޓު ހުންނަ ކަޅުއޮށްފުންމީގެ ނަކަލު ބަނދެފައިވަނީ ރާއްޖޭގެ މިނިވަންކަމަށް 50 އަހަރު ފުރުމުގެ މުނާސަބަތުގައިި، 2015 ވަނަ އަހަރު އެވެ. އެގޮތުން: