ސީރިއާގައި ތިބި ވިއްސަކަށް ދިވެހިން ރާއްޖެ ގެންނަން ޗާޓަރު ފްލައިޓެއް ފޮނުވައިފި

ސީރިއާގައި ކުރިއަށްދާ ދާހިލީ ހަނގުރާމައިގައި ބައިވެރިވުމަށް މީގެ އަހަރުތަކެއް ކުރިން އެ ގައުމަށް ގޮސް އުޅެނިކޮށް ހާލުގައި ޖެހި ތާށިވެފައި ތިބި ވިއްސަކަށް ދިވެހިން އަނބުރާ ރާއްޖެ ގެނައުމަށް ދިވެހި ސަރުކާރުން ޗާޓަރު ފްލައިޓެއް ތުރުކީއަށް ފޮނުވައިފި އެވެ.

ވީ ކިހިނެއް؟ - ސަރުކާރުގެ އިސް އޮފިޝަލަކު މިއަދު 'ދައުރު'އަށް ވިދާޅުވި ގޮތުގައި، ހޯމް ލޭންޑް ސެކިއުރިޓީ މިނިސްޓްރީ އާއި ފުލުހުން ކުރިއަށް ގެންދާ ހާއްސަ އޮޕަރޭޝަނެއްގައި، ސީރިއާގެ ހަނގުރާމައިގައި ހާލުގައި ޖެހި ރާއްޖެ ނާދެވިފައި ތިބި ދިވެހިންތަކެއް އަނބުރާ ރާއްޖެ ގެނައުމުގެ މަސައްކަތްތަކެއް މިހާރު ކުރަމުން އަންނަ ކަމަށެވެ.

ހޯމް ލޭންޑްގެ ސްޓޭޓް މިނިސްޓަރު ލުބުނާ ޒާހިރު ވެސް 'ދައުރު'އަށް މިއަދު ވިދާޅުވީ:

ތަފްސީލް - ސަރުކާރުގެ އިސް އޮފިޝަލު ވިދާޅުވި ގޮތުގައި، ކުރީގެ ސަރުކާރުގެ ފަހު ދުވަސްކޮޅު ސީރީއާގެ ރެފިއުޖީ ކޭމްޕެއްގައި ތިބި ދިވެހި އަންހެނުންތަކަކާއި އެ މީހުންގެ ދަރިން ރާއްޖެ ގެނައުމަށް ތުރުކީގެ ފެސިލިޓީއަކަށް ބަދަލުކޮށްފައި ތިބޭތާ މަސްތަކެއް ވެފައިވެ އެވެ. އެ މީހުންނާއި އާއިލާތަކުުން ސަރުކާރުގައި އެ މީހުން ރާއްޖެ ގެނެސްދޭން އެދެމުން އަންނާތީ އެކަން ކޮށްދެއްވަން ރައީސް ނިންމަވާފައިވާ ކަމަށް އޮފިޝަލް ވިދާޅުވި އެވެ. 

އެގޮތުން އޭނާ ވިދާޅުވީ:

ފާހަގަކޮށްލެވޭ - އެ އެންމެން ވެސް މުޖުތަމައަށް ނެރުމުގެ ކުރިން ރިހިބިލިޓޭޓް ކުރަން ނުވަތަ ޑިރެޑިކަލައިޒް ކުރަން ބައިތިއްބާނީ ކ. ހިންމަފުށީގައި ގާއިމްކޮށްފައިވާ ނޭޝަނަލް ރީއިންޓަގްރޭޝަން ސެންޓަރުގައި ކަމަށް އޮފިޝަލް ވިދާޅުވި އެވެ. 

ގާނޫނު ބުނާ ގޮތުން، އެ މީހުންގެ ރިހިބިލިޓޭޝަނަށް އެއް އަހަރު ދުވަހަށް އެ ތަނުގައި ބޭތިއްބެ އެވެ.

އެނގުން މުހިންމު - ހަނގުރާމައަށް ގޮސް ހާލުގައި ޖެހިފައި ތިބި ދިވެހި އަންހެނަކާއި އޭނާގެ ހަތަރު ކުދިން މީގެ ކުރިން  ރާއްޖެ ގެނެސް އެ ސެންޓަރުގައި ބައިތިއްބައިގެން ރިހިބިލިޓޭޓްކޮށް ދޫކޮށްލާފައިވެ އެވެ.