ބަދުބަސް ބުނި މައްސަލާގައި ދިވެހި ސަފީރު އިންޑިއާގެ ހާރިޖިއްޔާއަށް

އިންޑިއާ އަށާއި އެ ގައުމުގެ ބޮޑުވަޒީރު ނަރެންދުރަ މޯދީއަށް ނިސްބަތްކޮށް ދިވެހި ސަރުކާރުގެ އިސް ބޭފުޅުންތަކެއް ބަދުބަސް ރައްދުކުރި މައްސަލާގައި އެ ގައުމުގައި ހުންނަ ދިވެހި ސަފީރު އެ ގައުމުގެ ހާރިޖީ ވުޒާރާއަށް މިއަދު ހާޒިރުކޮށްފި އެވެ.

ވީ ކިހިނެއް؟ - އިންޑިއާގެ ބޮޑު ވަޒީރު ނަރެންދުރަ މޯދީ ލަކްޝަދީބަށް ވަޑައިގެން މިދިޔަ ބުރާސްފަތި ދުވަހު އެކްސްގައި އާންމުކުރެއްވި ފޮޓޯތަކާއި ވީޑިއޯއާ އެކު، ރާއްޖެއާ ދެކޮޅަށް އެ ގައުމުގެ ބައެއް އާންމުން ކެމްޕެއިނެއް ފެށި އެވެ. އެގޮތުން:

މިކަމާ ގުޅިގެން ފޮރިން މިނިސްޓްރީން ވެސް ވަނީ އެ ބޭފުޅުންގެ އަމަލުތައް ކުށްވެރިކޮށް ބަޔާނެއް ނެރެފަ އެވެ.

އޭގެ ފަހުން، ސަރުކާރުން ވަނީ އެކަން ހިންގި ޔޫތުގެ ތިން ނައިބު މިނިސްޓަރަކު ސަސްޕެންޑްކޮށްފަ އެވެ.

ތަފްސީލް - އިތުބާރު ހުރި މަސްދަރަކުން 'ދައުރު'އަށް ޔަގީންވެފައިވާ ގޮތުގައި، މިއަދު ހެނދުނު ރާއްޖެ ގަޑިން 9 ގައި، އިންޑިއާގައި ހުންނަވާ ދިވެހި ސަފީރު އިބްރާހިމް ޝަހީބު އިންޑިއާގެ އެކްސްޓާނަލް އެފެއާޒް މިނިސްޓްރީއަށް ހާޒިރުވެވަޑައިގަންނަވަން އެ މިނިސްޓްރީން ވަނީ އަންްގާފަ އެވެ.

ޝަހީބު ވަނީ އެ ގަޑިއަށް އިންޑިއާގެ އެކްސްޓާނަލް އެފެއާޒް މިނިސްޓްރީއަށް ވަޑައިގެންފަ އެވެ.

މިކަމާ ގުޅޭ ގޮތުން ސަރުކާރުގެ ރަސްމީ ބަހެއް އަދި ނުލިބެ އެވެ.

އެނގުން މުހިންމު - ގައުމުތަކުގައި ތިއްބަވާ ސަފީރުން އެ ގައުމެއްގެ ހާރިޖިއްޔާއަށް ހާޒިރުކުރަނީ ހިތްހަމަނުޖެހޭ ކަންކަމުގައި އެކަން އަންގައި އެކަމާ ގުޅޭ ގޮތުން އެ ގައުމަކުން ދެކޭ ގޮތް އޮޅުންފިލުވުމަށެވެ. މިއީ ހާރިޖީ ކަންކަމުގައި ކުރިމަތިވާ މައްސަލަތަކުގައި އަމަލުކުރާ އުސޫލެކެވެ.

އެހެންވެެ، ޝަހީބު ވެސް ރާއްޖޭން މި ކަމުގައި ދެކޭ ގޮތް އިންޑިއާގެ ހާރިޖިއްޔާއާ ރަސްމީކޮށް ހިއްސާކުރައްވާނެ އެވެ.

ގުޅުން ހުރި ކަމެއް - ސަސްޕެންޑް ކުރި ޔޫތު މިނިސްޓްރީގެ ތިން ޑެޕިއުޓީ މިނިސްޓަރުންނަކީ:

ފޮރިން މިނިސްޓްރީން އިއްޔެ ނެރުނު ނޫސްބަޔާނުގައި ވަނީ: