ރައީސް މުހައްމަދު މުއިއްޒު ރޭގެ ހަފްލާގައި ވާހަކަ ދައްކަވަނީ: ވިދާޅުވީ އިންވެސްޓްމަންޓުތަކަށް ރާއްޖެ ހުޅުވާލާފައިވާ ކަމަށް (ފޮޓޯ ރައީސް އޮފީސް)
އެސްއީޒެޑްގެ ފުރަތަމަ އިންވެސްޓްމަންޓަކީ އިއާދަކުރަނިވި ހަކަތައިގެ މަޝްރޫއެއް
އެސްއީޒެޑް އިންވެސްޓްމަންޓަށް ހުޅުވާލުމާ އެކު ރާއްޖެއަށް ފުރަތަމަ ލިބުނު އިންވެސްޓްމަންޓަކީ 110 މެގަވޮޓްގެ އިއާދަކުރަނިވި ހަކަތަ އުފެއްދުމުގެ މަޝްރޫއެއް ކަމަށް ރައީސް އިބްރާހިމް މުހައްމަދު މުއިއްޒު ވިދާޅުވެއްޖެ އެވެ.
ވީ ކިހިނެއް؟ - މޯލްޑިވްސް ނޭޝަނަލް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ (އެމްއެންސީއައި)ން ދޭ ކޮންސްޓްރަކްޝަން އެވޯޑް ދިނުމަށް ރޭ ހޮޓަލް ޖެންގައި ބޭއްވި ހަފްލާގައި ވާހަކަ ދައްކަވަމުން ރައީސް މުއިއްޒު ވިދާޅުވީ އެސްއީޒެޑްގެ މި އިންވެސްޓްމަންޓަށް ޕްރޮޕޯސަލް ލިބުނީ އެމަނިކުފާނު ބައިވެރިވި ކޮޕް-28ގެ ބައްދަލުވުމަށް ފަހު ކަމަށެވެ. އަދި މިއީ އެ ބައްދަލުވުމަށް ފަހު އިއާދަކުރަނިވި ހަކަތަ އުފައްދަން މި ގޮތަށް ގައުމަކަށް ލިބުނު ފުރަތަމަ އިންވެސްޓްމަންޓު ކަމުގައި ރައީސް ވިދާޅުވި އެވެ.
އެގޮތުން:
-
ރައީސް ވަނީ ބޭރުގެ ކުންފުނިތަކަށް އިންވެސްޓްކުރުމުގެ ފުރުސަތު އެސްއީޒެޑުގައި ތަންމިނަށް ހުޅުވިފައި އޮތަސް ދިވެހި ކުންފުނިތަކުން ވެސް އެފަދަ އިންވެސްޓްމަންޓުތަކުގައި މުހިންމު ރޯލެއް އަދާކުރުމަށް އެދިވަޑައިގެންފި
-
ރާއްޖޭގެ އިމާރާތްކުރުމުގެ ދާއިރާގައި ހަރަކާތްތެރިވާ ކުންފުނިތަކުން ރާއްޖެ އަންނަ ފުރަތަމަ އެސްއީޒެޑް އިންވެސްޓްމަންޓުގައި ވެސް މުހިންމު ދައުރެއް އަދާކުރުމަށް ރައީސް އެދިވަޑައިގެންނެވި
-
ބޭރު ފަރާތްތަކުން އައިސް ހުރިހާ ކަމެއް އަތްމައްޗަށް ނަގައި، އެ ކަންކަން ހާސިލުކުރަން ދޫކޮށްލުމަކީ އެއެއް ނޫން ގައުމިއްޔަތު ސަލާމަތްކުރުމަކީ ޔަގީންކުރުމަކީ
"އެސްއީޒެޑްގެ ފުރަތަމަ ޕްރޮޕޯޒަލްއަކީ ވެސް ރިނިއުބަލް އެނާޖީގެ ދާއިރާއިން 110 މެގަވޮޓް ހާސިލުވެގެންދާ އެސްއީޒެޑް ޕްރޮޕޯޒަލެއް. އެ ޕްރޮޕޯޒަލް އަޅުގަނޑުމެންނަށް ލިބިފައިވާކަން އުފަލާއެކީގައި އަޅުގަނޑު އިއުލާން ކުރަން،" ރައީސް ވިދާޅުވި އެވެ.
ތަފްސީލް - އިއާދަކުރަނިވި ހަކަތައިގެ ދާއިރާއިން ދެމެހެއްޓެނިވި ތަރައްގީ ރާއްޖެއަށް ހާސިލުކުރުމުގައި އިމާރާތް ކުރުމުގެ ދާއިރާގެ ފަރާތްތަކުން މުހިންމު ދައުރެއް އަދާކުރަން ޖެހޭ ކަމަށް ރައީސް ވިދާޅުވި އެވެ. ރައީސް ވިދާޅުވީ އިތުރު އިންވެސްޓްމަންޓްތައްވެސް ގެނައުމުގައި ވެސް ކުންފުނިތަކުން މަސައްކަތް ކުރަންޖެހޭ ކަމަށެވެ. އަދި ރާއްޖެއަށް އެސްއީޒެޑް ގެ ފުރުސަތު އޮތީ ތަންމިނަށް ހުޅުވިފައި ކަމަށް ވެސް ރައީސް ވިދާޅުވި އެވެ.
"އެހެންވީމާ، އަޅުގަނޑު އެދެނީ ވަރުގަދަ މަސައްކަތްތަކެއް ކުރަން،"ރައީސް ވިދާޅުވި އެވެ.
ރައީސް އަދި ވިދާޅުވީ އިމާރާތްކުރުމުގެ ދާއިރާއަށް ބޭނުންވާ ތަކެތި ގަނޑުކޮށް ރާއްޖެ ގެނެސް، އެތަކެތި ރާއްޖެއިން ރީއެކްސްޕޯޓް ކުރުމަށް އެސްއީޒެޑް ސްޓޭޓަސް އެފަދަ ވިޔަފާރިތަކަށް ސަރުކާރުން ދޭނެ ކަމަށެވެ. ކަމަށެވެ.
"ބަލްކް ސްޓޯރޭޖް ބިޒްނަސްއެއް ފަށައި، ރާއްޖޭގައި ސްޓޯރކޮށްގެން ރީ-އެކްސްޕޯޓްވެސް ކުރަންވީ. ރާއްޖެއަށް ބޭނުންވާވަރު ވެސް ގެނައިމާ، ރާއްޖޭގެ ކޮންސްޓްރަކްޝަން އިންޑަސްޓްރީއަށް އޭރުން އެ ލިބުނީ، ޖުމްލަކޮށް މުޅި ރާއްޖެއަށް ވަރަށް ބޮޑު ކުރިއެރުމެއް. އެހެން ގައުމުތަކަށްވެސް ރީ-އެކްސްޕޯޓް ކުރަންވީ،" ރައީސް ވިދާޅުވި އެވެ.