ސަރަހައްދީ ގޮންޖެހުންތަކުން އަރައިގަތުމަށް ގައުމުތަކުން ގުޅުން ބަދަހިކުރަން ޖެހޭ: ޒަމީރު

މި ސަރަހައްދަށް ކުރިމަތިވެފައިވާ ގޮންޖެހުންތަކުން އަރައިގަތުމަށް ގައުމުތަކުގެ މެދުގައި ގުޅުން ބަދަހިކުރަން ޖެހޭ ކަމަށާއި، ކުރިއަށް އޮތް ތަނުގައި ރާއްޖެއިން އެ ކަމަށް އެއްބާރުލުންދީ، ސަރަހައްދީ ގައުމަތަކާ އެކު މަސައްކަތް ކުރާނެ ކަމަށް ފޮރިން މިނިސްޓަރު މޫސާ ޒަމީރު މިއަދު ވިދާޅުވެއްޖެ އެވެ.

ވީ ކިހިނެއް؟ - ޒަމީރު މިހެން ވިދާޅުވީ، ދެކުނު އޭޝިއާގެ ގައުމުތައް ތަމްސީލުކުރާ ޖަމިއްޔާ، ސާކުގެ ޗާޓަރު އެކުލަވާލިތާ 39 އަހަރު ފުރުނު ދުވަހުގެ މުނާސަބަތުގައި ފޮނުއްވި ތަހުނިޔާގެ މެސެޖެއްގަ އެވެ.

ބުނީ ކީކޭ؟ - މިނިސްޓަރު ވިދާޅުވީ:

"ޒަމާނީ ގޮންޖެހުންތަކުން އަރައިގަތުމަށް ގައުމުތަކުގެ މެދުގައި ގުޅުންތައް އިތުރަށް ބަދަހިކުރަން ޖެހޭ ކަމާ މެދު އެއްވެސް ޝައްކެތް ނެތެވެ. މި ހާއްސަ ދުވަހުގައި، ގުޅިގެން މަސައްކަތް ކުރުމުގެ ރޫހު އާލާކޮށް، އެއް ބަޔަކު އަނެއް ބަޔަކާ އިތުރަށް ގުޅިފައިވާ، ހަމަޖެހުން ގާއިމްވެފައިވާ ދެކުނު އޭޝިއާއެއް ބިނާކުރުމަށް ދީފައިވާ ޔަގީންކަން އާކުރަން ޖެހެ އެވެ،" އެ މެސެޖުގައިވެ އެވެ.

އެނގުން މުހިންމު - ސާކުގައި މިހާރު ހިމެނެނީ:

އަފްގާނިސްތާނު ފިޔަވައި އެހެން ހުރިހާ ގައުމުތަކަކީ ސާކު އުފެއްދުމުގެ ބައިވެރިން ކަމަށް ވާއިރު، އެ ހަ ގައުމުގެ ވެރިން ސާކުގެ ޗާޓަރުގައި ސޮއިކުރެއްވީ 1985 ވަނަ އަހަރު ބޭއްވި ފުރަތަމަ ސާކް ސަމިޓުގަ އެވެ.

އިންޑިއާ އާއި ޕާކިސްތާނާ ދެމެދު އޮންނަ ޒަމާންވީ ކޯޅުންތަކާ ހުރެ، ސާކުގެ މަސައްކަތްތައް ރަނގަޅަކަށް ނުހިނގަ އެވެ.