އައްޑޫ ސިޓީ ކައުންސިލްގެ މެމްބަރުން ސިންގަޕޫރަށް ކުރި ތަޖުރިބާ ދަތުރުގެ ތެރެއިން. (ފޮޓޯ/އައްޑޫ ސިޓީ ކައުންސިލް)
އައްޑޫ ތަރައްގީ ކުރާނެ ގޮތް ދަސްކުރަން ކައުންސިލުން ސިންގަޕޫރާއި މެލޭޝިއާއަށް
ސިންގަޕޫރާއި މެލޭޝިއާ ތަރައްގީކުރި ގޮތް ދަސްކުރުމަށް އައްޑޫ ސިޓީ ކައުންސިލްގެ ޓީމެއް އެ ގައުމުތަކަށް ދަތުރެއް ކޮށްފި އެވެ.
ވީ ކިހިނެއް؟ - އައްޑޫ ސިޓީ ކައުންސިލުން ކުރި ފަސް ދުވަހުގެ މި ދަތުރުގައި ހަތަރު ކައުންސިލަރުން ފިޔަވައި އެހެން ހުރިހާ ކައުންސިލަރުން ވަނީ ބައިވެރިވެވަޑައިގެންފަ އެވެ.
ތަފްސީލު - އެ ދަތުރުގެ ތެރެއިން ސިންގަޕޫރަށް ކުރި ދެ ދުވަހުގެ ދަތުރުގައި އެ ގައުމުގެ:
-
ލޯކަލް ރީޑިވެލޮޕްމަންޓް އޮތޯރިޓީއަށް ޒިޔާރަތްކޮށް، ސިންގަޕޫރުން ސިޓީ ޑިވެލޮޕްމަންޓް، ލޭންޑް ޔޫސް ޕްލޭން އަދި ދެމެހެއްޓެނިވި ގޮތަކަށް މުޖުތަމައު ބިނާކުރާ ގޮތް ދަސްކުރި
-
ދެމެހެއްޓެނިވި ގޮތަކަށް ތަރައްގީ ގެނައުމަށް ސިންގަޕޫރުން ކުރާ މަސައްކަތްތައް ބަލައި ދަސްކުރި (އުމްރާނީ ތަރައްގީ، ފެނާއި ނަރުދަމާ، ހަކަތަ އަދި ގްރީން ޓެކްނޮލޮޖީ)
-
މެރިޓައިމް އޮތޯރިޓީ ގެލަރީއަށް ޒިޔާރަތްކޮށް، ސިންގަޕޫރުން ބަނދަރުތައް ތަރައްގީ ކުރަމުން އަންނަ ގޮތް ތަޖުރިބާކުރި
-
ސަންގަޕޫރު މެނޭޖްމަންޓް ޔުނިވާސިޓީ (އެސްއެމްޔޫ)އަށް ޒިޔާރަތްކޮށް، އެ ތަނުން އައްޑޫ ކައުންސިލްގެ މުވައްޒަފުންނަށް ލިބެން ހުރި ތަމްރީން ފުރުސަތުތައް (ކައުންސިލްތަކަށް ހާއްސަ ޕްރޮގްރާމްތައް) ބަލައިލި
-
އެނގިފައިވާ ގޮތުގައި، އެ ތަމްރީން ޕްރޮގްރާމްތައް ހިންގާނީ އެސްއެމްޔޫގެ މުވައްޒަފުން އައްޑުއަށް ގޮސްގެން. އަންނަ ފެބްރުއަރީ ހިސާބުގައި އެ މަސައްކަތް ފެށޭނެ ކަމުގެ ފެހި ސިގުނަލް އޮތީ ލިބިފައި
މެލޭޝިއާއަށް ކުރި ތިން ދުވަހުގެ ތެރެއިން ދެ ދުވަސް ހާއްސަކުރީ މެލޭޝިއަން އިންސްޓިޓިއުޓް އޮފް މެނޭޖްމަންޓުން ހިންގި ދެ ދުވަހުގެ ތަމްރީން ޕްރޮގްރާމަކަށެވެ. އެ ޕްރޮގްރާމްތަކުގެ މައުލޫއަކީ 'ކްރިއޭޓިވް ތިންކިން އެންޑް ޕްރޮބްލަމް ސޯލްވިން ސްކިލްސް' އެވެ.
ފާހަގަކޮށްލެވޭ ކަމެއް - އައްޑޫ ކައުންސިލުގެ އޮފިޝަލަކު ވިދާޅުވި ގޮތުގައިި، މި ދަތުރުތަކުގެ ސަބަބުން އައްޑޫ ލޭންޑް ޔޫސް ޕްލޭން އެކުލަވާލުމުގައި ވަރަށް ބޮޑު ފަސޭހައެއް ކައުންސިލަށް ލިބޭނެ އެވެ.
އެއާ އެކު، މިއީ ކައުންސިލްގެ ބަޖެޓުން ކުރި ދަތުރަކަށް ވުމާ އެކު، މި ދަތުރުގައި ބޭކާރު ގޮތަކަށް ނުވަތަ ކައުންސިލަރުންގެ ޗުއްޓީ ބޭނުމަށް އެއްވެސް ދުވަހެއް ދޫކޮށްލާފައި ނުވާނެކަން ވެސް އޭނާ ފާހަގަކުރެއްވި އެވެ.
މިއީ، އޭނާ ފާހަގަކުރައްވާ ގޮތުގައި، ރާއްޖޭގެ ކައުންސިލަކުން މި ފެންވަރުގެ ދަތުރެއް ކުރި ފުރަތަމަ ފަހަރެވެ.
ކޮމެންޓް (3)
ހެސްކިޔާފަ
ސަމްމާ
ދޮން ހަސަން ފުތާ