އާ ޗީފް އޮފް ޑިފެންސް ފޯސް މޭޖާ ޖެނެރަލް އަބްދުއްރަހީމް އަބްދުއްލަތީފް. (ފޮޓޯ/އެމްއެންޑީއެފް)
ޗީފް އޮފް ޑިފެންސް ފޯސްގެ މަގާމަށް މޭޖާ ޖެނެރަލް އަބްދުއްރަހީމް އަބްދުއްލަތީފް
ރައީސް ޑރ. މުހައްމަދު މުއިއްޒު ޗީފް އޮފް ޑިފެންސް ފޯސްގެ މަގާމަށް މޭޖާ ޖެނެރަލް އަބްދުއްރަހީމް އަބްދުއްލަތީފް މިރޭ އައްޔަން ކުރައްވައިފި އެވެ.
ވީ ކިހިނެއް؟ - ވައިސް ޗީފް އޮފް ޑިފެންސް ފޯސްގެ މަގާމުގައި ހުންނެވި އަބްދުއްރަހީމަށް ޗީފް އޮފް ޑިފެންސް ފޯސްގެ މަގާމުގެ ލިޔުން އާ ރައީސް ވަނީ، ރައީސް އޮފީހުގައި ބޭއްވި ރަސްމިއްޔާތެއްގައި، ހަވާލުކުރައްވައިފަ އެވެ.
އެނގުން މުހިއްމު - އަބްދުއްރަހީމްގެ ދިގު ކެރިއަރުގައި އެމްއެންޑީއެފްގެ އެކި މަގާމުތައް ފުރުއްވާފައިވެ އެވެ. އޭގެ ތެރޭގައި:
-
ސެނަހިޔާ ހޮސްޕިޓަލުގެ ކޮމާންޑަންޓް
-
މިލިޓަރީ އިންޓެލިޖެންސްގެ ޑައިރެކްޓަރު ޖެނެރަލް
-
ނޭޝަނަލް ކައުންޓާ ޓެރަރިޒަމް ސެންޓަރުގެ ޑެޕިއުޓީ ޑިރެކްޓަރު ޖެނެރަލް
-
ސްޕެޝަލް ޕްރޮޓެކްޝަން ގްރޫޕްގެ ކޮމާންޑިން އޮފިސަރު
-
އެމްއެންޑީއެފް ސަދަން އޭރިއާ ކޮމާންޑުގެ ކޮމާންޑަންޓް
-
މިލިޓަރީ ޕޮލިސްގެ ކޮމާންޑިން އޮފިސަރު
އަބްދުއްރަހީމްގެ ހިދުމަތްތަކަށް 17 މެޑަލް ލިބިވަޑައިގެންފައިވެ އެވެ. އޭގެ ތެރޭގައި ރައީސް ދެއްވާ ހާއްސަ މެޑަލްގެ އިތުރުން، ޑިފެންސް ފޯސް ސާވިސް މެޑަލް، ޑެޑިކޭޓެޑް ސާވިސް މެޑަލް އަދި 3 ނޮވެމްބަރުގެ މެޑަލް ހިމެނެ އެވެ.
އަބްދުއްރަހީމް އެމްއެންޑީއެފްގެ ބޯޑުތަކާއި ކޮމިޓީތަކުގައި އިންނެވުމުގެ އިތުރުން، ހަތަރު އަހަރު ވަންދެން އެމްއެންޑީއެފްގެ ތަރުޖަމާނުކަން ކުރައްވާފައި ވެސް ވެ އެވެ.
ކޮމެންޓް (1)
ސަލާމް