ސްޓާލިންކުގެ ޑިޝްއެއް.
ސްޓާލިންކުގެ އިންޓަނެޓް ހިދުމަތް ރާއްޖެއަށް ލިބެން ފަށައިފި؛ 200އެމްބީޕީއެސް ސްޕީޑުގައި މަހަކު 1،000ރ.އަށް
އެމެރިކާގެ މަހުޖަނު އީލޯން މަސްކުގެ ސްޕޭސްއެކްސް ކުންފުނިން ފޯރުކޮށްދޭ ސްޓާލިންކް ސެޓެލައިޓް އިންޓަނެޓްގެ ހިދުމަތް ރާއްޖޭގައި ބޭނުންކުރެވެން ފަށައިފި އެވެ.
ވީ ކިހިނެއް؟ - އެ ހިދުމަތް ރާއްޖޭގައި ދިނުމުގެ ލައިސަންސް ނުވަތަ ހުއްދަ ކޮމިއުނިކޭޝަންސް އޮތޯރިޓީ އޮފް މޯލްޑިވްސް (ކޭމް) އިން މިދިޔަ 24 އޮގަސްޓްގައި އެ ކުންފުންޏަށް ދޫކޮށްފައި ވާއިރު، ރާއްޖެ އަކީ މިހާރު އެ ހިދުމަތް ލިބޭ ގައުމެއް ކަމަށް ސްޓާލިންކުގެ ވެބްސައިޓުން ދައްކަ އެވެ.
މީގެ އިތުރުން، ސްޓާލިންކް ހިދުމަތް ބޭނުންކުރަން އޯޑަރުކޮށްފައިވާ މީހުންނަށް އެ ކުންފުނިން ވަނީ އެ ހިދުމަތް މިހާރު ރާއްޖޭގައި ލިބޭނެ ކަމަށް ބުނެ، ރޭ ދަންވަރު އީމެއިލް ވެސް ފޮނުވާފަ އެވެ.
ތަފްސީލް - ސްޓާލިންކުގެ ހިދުމަތް ރާއްޖޭގައި ބޭނުންކުރުމަށް ދައްކަން ޖެހޭ އަގަކީ:
-
އެ ހިދުމަތް ހޯދުމަށް ހަރުކުރަން ޖެހޭ ކުޑަ ޑިޝް އެންޓަނާ އާއި ރައުޓަރު ފަދަ ތަކެތި ހިމެނޭ ސެޓަޕް ކިޓަށް 10،000ރ.
-
އޭގެ ފަހުން ކޮންމެ މަހަކު 1،000ރ.
އެ އަގަށް، މި ހިދުމަތް މެދުވެރިކޮށް 200 އެމްބީޕީއެސްއާ ހަމައަށް އަންލިމިޓެޑް އިންޓަނެޓް ލިބޭނެ ކަމަށް ސްޓާލިންކުން ބުނެފައިވެ އެވެ.
އެނގުން މުހިންމު - ރާއްޖޭގައި އިންޓަނެޓުގެ ހިދުމަތް ފޯރުކޮށްދޭ ކުންފުނިތަކުން މިހާރު ދޭ 100އެމްބީއެސް ޕެކޭޖުތަކުގެ މަހު ފީ އުޅެނީ 2،000ރ. އިން މަތީގަ އެވެ.
ސްޓާލިންކުން އިންޓަނެޓުގެ ހިދުމަތް ދޭން ފެށުމާ އެކު ރާއްޖޭގައި ހަތަރު ފަރާތަކުން އިންޓަނެޓްގެ ހިދުމަތް ފޯރުކޮށްދެ އެވެ. އެއީ ސްޓާލިންކުގެ އިތުރުން، މިހާރު ވެސް ހިދުމަތް ދޭ ދިރާގާއި އުރީދޫ އަދި ފޯކަސް އެވެ.
ކޮމެންޓް (6)
އާދަމް އަލީ
މަސީހު
އާދަމް އަލީ
މައުލޫމާތު.
ދިރާސާ
އޮށަނި