އެމްޑިޕީގެ ރިޔާސީ ކެންޑިޑޭޓް ރައީސް އިބްރާހީމް މުހައްމަދު ސޯލިހު މިއަދު ވޯޓު ލެއްވުމަށް ފަހު ފާހަގަދައްކަވަނީ (ފޮޓޯ/ރައީސްގެ ކެމްޕޭން ޓީމް)
ރައީސް ސޯލިހަށް އުފަން އަތޮޅުގެ މެޖޯރިޓީ ވެސް ގެއްލިއްޖެ
ރައީސް އިބްރާހިމް މުހައްމަދު ސޯލިހުއަށް އުފަން ޅ. އަތޮޅުގެ މެޖޯރިޓީ ވެސް ގެއްލިއްޖެ އެވެ.
ތަފްސީލް - މިއަދު ބޭއްވި ރިޔާސީ އިންތިހާބުގެ ދެވަނަ ބުރުގެ ވަގުތީ ނަތީޖާ ދައްކާގޮތުން ރައީސް ސޯލިހަށް ޅ. އަތޮޅުން ލިބިވަޑައިގަތީ ގާތްގަނޑަކަށް %48 ވޯޓެވެ. އިދިކޮޅު ކެންޑިޑޭޓު ޑރ. މުހައްމަދު މުއިއްޒު ވަނީ %51 އަށް ވުރެ ގިނަ ވޯޓު އެ އަތޮޅުން ހޯއްދަވައިފަ އެވެ.
ފާހަގަކޮށްލެވޭ - އިންތިހާބުގެ ދެވަނަ ބުރުގައި ރައީސަށް މެޖޯރިޓީ ލިބިވަޑައިގަތީ އއ. އަތޮޅާއި އައްޑޫން އެކަންޏެވެ.
ރައީސަށް ޅ. އަތޮޅުގެ މެޖޯރިޓީ ގެއްލުނު ނަމަވެސް، އެމަނިކުފާނުގެ އުފަން ރަށް ހިންނަވަރުން މެޖޯރިޓީ ހޯއްދެވި އެވެ.
އެނގުން މުހިއްމު - ރައީސް އިންތިހާބުގެ ފުރަތަމަ ބުރުގައި ޅ. އަތޮޅުގެ މެޖޯރިޓީ ހޯއްދެވި އެވެ. އެމަނިކުފާނު އެ ފަހަރު ވޯޓުގެ %46 ހޯއްދެވި އިރު މުއިއްޒަށް ލިބިވަޑައިގަތީ %44 އެވެ.
ރައީސް އިބްރާހިމް މުހައްމަދު ސޯލިހުއަށް އުފަން ޅ. އަތޮޅުގެ މެޖޯރިޓީ ވެސް ގެއްލިއްޖެ.
— Dhauru (@Dhaurunews) September 30, 2023
އިތުރަށް ކިޔާލަން: https://t.co/UkBmza4ZQA pic.twitter.com/q7tSHwYSOi
ފަސްމަންޒަރު - ރައީސް ސޯލިހު 2018 ވަނަ އަހަރު ރައީސްކަމަށް އިންތިހާބުވުމުގެ ކުރިން ޅ. އަތޮޅުގެ ރައްޔިތުންގެ މަޖިލީހުގެ މެންބަރުކަމާއި ހިންނަވަރު ދާއިރާގެ މެންބަރުކަން ކުރައްވާފައިވެ އެވެ.
ދައުރު އަށް ލިބިފައިވާ ދެވަނަ ބުރުގެ ވަގުތީ ނަތީޖާ ދައްކާގޮތުން:
-
ހިންނަވަރުން ރައީސް %58.2 ހޯއްދެވި، މުއިއްޒަށް ލިބިވަޑައިގަތީ %41.8 ވޯޓު
-
ނައިފަރުން ރައީސަށް ލިބިވަޑައިގަތީ %35.4 ވޯޓު، މުއިއްޒު އެ ރަށުން %64.5 ހޯއްދެވި
-
ކުރެންދޫ އިން ރައީސް %52.1 ހޯއްދެވި އިރު މުއިއްޒަށް ލިބިވަޑައިގަތީ %47.9
-
އޮޅުވެލިފުށިން ރައީސް ގާތްގަނޑަކަށް %58 ހޯއްދެވި، މުއިއްޒަށް %42
-
މާލޭގައި ބެހެއްޓި ޅ. އަތޮޅުގެ ހަތަރު ވޯޓު ފޮށީގެ ޖުމްލަ ނަތީޖާ ދައްކާގޮތުން ރައީސް ސޯލިހު %52.9 ވޯޓު ހޯއްދެވި އިރު މުއިއްޒުއަށް ލިބިވަޑައިގަތީ %47