ވިލާ އިންޓަނޭޝަނަލް ސްކޫލުގެ ވެރިން. އެ ސްކޫލަށް ވަނުމުގެ ފުރުސަތު ވަނީ ހުޅުވާލާފައި (ފޮޓޯ/ވިލާ އިންޓަނޭޝަނަލް ހައި)
އޭލެވެލް ކިޔަވަން ވިލާ އިންޓަނޭޝަނަލް ހައި ސްކޫލަށް ވަނުމުގެ ފުރުސަތު ހުޅުވާލައިފި
އޭލެވެލް އަށް ކިޔަވަން ބޭނުންވާ ދަރިވަރުން ވިލާ އިންޓަނޭޝަނަލް ހައި ސްކޫލަށް ވަނުމުގެ ފުރުސަތު ހުޅުވާލައިފި އެވެ.
ވީ ކިހިނެއް؟ - އެ ސްކޫލުން ބުނީ އެޑިއުކޭޝަން މިނިސްޓްރީ އިން ކަނޑައަޅާފައިވާ މިންގަނޑަށް އޯލެވެލް އިން ފާސްވެފައިވާ ދަރިވަރުންނަށް، ހިލޭ އޭލެވެލް އަށް ކިޔެވުމުގެ ފުރުސަތު އެ ސްކޫލުން ފަހިކޮށްދޭނެ ކަމަށެވެ.
-
އެޑިއުކޭޝަންގެ މިންގަނޑަކީ އޯލެވެލް އިމްތިހާނާއި އެސްއެސްއީ އިމްތިހާނުގެ ދިވެހި ނުވަތަ އިސްލާމު ހިމެނޭހެން 5 މާއްދާ އިން ފާސްވެފައިވުން. ފާސްވި ކަމަށް ބެެލެވޭނީ C އަށް ވުރެ މަތިން ފާސްވުން
ތަފްސީލް - ވިލާ ހައި ސްކޫލުން ބުނީ އިއްޔެ އިން ފެށިގެން މި މަހުގެ 29 ވަނަ ދުވަހާ ހަމައަށް އެ ސްކޫލަށް ވަނުމުގެ ފުރުސަތު ހުޅުވާލާފައިވާ ކަމަށެވެ.
-
ސްކޫލަށް ވަނުމަށް އެދޭފޯމު ސްކޫލު އޮފީހުންނާއި ވެބްސައިޓުން ލިބޭނެ
-
އޮންލައިންކޮށް ވެސް އެޕްލައިކުރެވޭނެ
-
ޖާގަ ލިބޭ ދަރިވަރުންގެ ލިސްޓު މި މަހުގެ 31ގައި ސްކޫލު ވެބްސައިޓުގައި އާންމު ކުރާނެ
-
މި ހަފްތާ ބަންދުގައި ގްރޭޑު 10 ނިންމާފައި ތިބި ދަރިވަރުންނަށް އަދި ސާނަވީ މަރުހަލާގައި ކިޔަވާ ދަރިވަރުންނަށް ހާއްސަ ހަރަކާތެއް ވީއައިއެޗްއެސްޑޭ 2023ގެ ނަމުގައި އޮންނާނެ
އެނގުން މުހިއްމު - އެޑިއުކޭޝަން މިނިސްޓްރީގެ މާލީ އެހީގެ ދަށުން ހިލޭ މަތީ ސާނަވީ އަށް ކިޔެވުމުގެ ފުރުސަތު ލިބޭ ދަރިވަރުން ދިވެހި އަދި އިސްލާމުގެ އިތުރުން އެޑެކްސެލް ނުވަތަ ކެމްބްރިޖް އިންޓަރނޭޝަނަލް އެގްޒޭމިނޭޝަންސްގެ ތިން މާއްދާ ކިޔަވަން ޖެހެ އެވެ.
ބުނީ ކީކޭ؟ - ވިލާ ހައިސްކޫލުން ބުނީ އެ ސްކޫލުގައި ކިޔަވާ ދަރިވަރުން ގްރެޖުއޭޓު ވާއިރު ތިބޭނީ ޔުނިވާސިޓީ ތައުލީމަށް ފައްކާވެފައި ކަމަށާއި އެ ސްކޫލަކީ ތަފާތު ފެންވަރުގެ ކުދީންނަށް ޖާގަ ދީގެން، ޔުނިވާސިޓީތަކުން ޖާގަ ލިބޭ މިންވަރަށް ފާސްވާ %70 އިން މަތީގައި ހިފަހައްޓަމުންދާ ސްކޫލެއް ކަމަށެވެ.