ކުރީގެ ބަންޑާރަ ނައިބު މުނައްވަރު. (ދައުރު ފޮޓޯ/ހުސައިން ސުނޭން)
މުނައްވަރު އިންތިހާބުގައި ވާދަނުކުރަން ނިންމައިފި
ކުރިއަށް އޮތް ރިޔާސީ އިންތިހާބަށް ކުރިމަތިލައްވާނެކަން ކުރިން ވިދާޅުވެފައިވާ ކުރީގެ އެޓާނީ ޖެނެރަލް ޑރ. މުހައްމަދު މުނައްވަރު އިންތިހާބުގައި ވާދަނުކުރައްވަން ނިންމަވައި އެކަން މިއަދު އިއުލާންކުރައްވައިފި އެވެ.
ވީ ކިހިނެއް؟ - ކުރިއަށް އޮތް ރިޔާސީ އިންތިހާބުގައި ވާދަނުކުރައްވާނެކަން މުނައްވަރު ހާމަކުރެއްވީ މިއަދު ކުރެއްވި ޓުވީޓެއްގަ އެވެ.
ބުނީ ކީކޭ؟ - އެ ޓުވީޓުގައި މުނައްވަރު ވަނީ، ވަކި ސަބަބެއް ވިދާޅުވުމެއް ނެތި އިންތިހާބުގައި ވާދަނުކުރައްވާނެކަން އިއުލާނުކުރައްވައި އޭނާއަށް ތާއީދުކުރެއްވި ފަރާތްތަކަށް ޝުކުރު އަދާކުރައްވާފަ އެވެ.
ތަފްސީލު - ކުރިއަށް އޮތް ރިޔާސީ އިންތިހާބުގައި އަމިއްލަ ގޮތުން ވާދަ ކުރައްވާނެކަން އެންމެ ފުރަތަމަ އިއުލާންކުރެއްވި އެއް ބޭފުޅަކީ ކުރީގެ ބަންޑާރަ ނައިބު މުނައްވަރެވެ. އެގޮތުން، ވެރިކަން ކުރާ މައި ޕާޓީ، އެމްޑީޕީގެ ރައީސްކަން ވެސް ކުރެއްވި މުނައްވަރު:
-
އިންތިހާބުގައި ވާދަކުރައްވާނެކަން އިއުލާން ކުރެއްވީ 13 މާޗުގައި
-
އިންތިހާބުގައި ވާދަކުރައްވަން ސޮއި ހޯއްދަވަން ފެއްޓެވީ 24 ޖުލައިގައި
މުނައްވަރު ވަނީ މި ފަހުން ރާއްޖެ އާއި ޗާގޯސްއާ ދެމެދު ކަނޑުގެ އިން ވަކިކުރުމުގެ މައްސަލައިގައި ސަރުކާރާ ދެކޮޅަށް ވަރަށް ބޮޑަށް އަޑުއުފުއްލަވައި ހަރަކާތްތަކުގައި ބައިވެރިވެވަޑައިގެންފަ އެވެ.
އެނގުން މުހިންމު - އިންތިހާބަށް ކުރިމަތިލުމުގެ މުއްދަތު މިއަދު މެންދުރު ފަހު 2އަށް ހަމަވާއިރު، އިންތިހާބުގައި ވާދަކުރައްވާނެކަން އިއުލާނުކުރައްވާފައިވާ ގިނަ ބޭފުޅުން މިހާރު ވަނީ ފޯމު ހުށަހަޅުއްވާފަ އެވެ. ބައެއް ބޭފުޅުން މިއަދު ވެސް ފޯމު ހުށަހަޅުއްވަމުން އެބަގެންދަވަ އެވެ.
ކޮމެންޓް (1)
ސަލީނާ