މަމްދޫހު: މަކަރާ ހީލަތުން ކޭޕާކްގެ ފްލެޓްތައް ވިއްކި މައްސަލަ ވަނީ ފެންމަތިވެފައި
މަމްދޫހު ރާއްޖެއިން ފުރަން އުޅެނިކޮށް ހައްޔަރުކޮށްފި
ހުޅުމާލޭގައި ހަދަމުން އަންނަ ކޭޕާކް ރެސިޑެންސީ ފްލެޓްތައް ވިއްކުމުގެ ތެރެއިން އޮޅުވާލައި މަކަރާއި ހީލަތް ހަދާފައިވާ ކަމަށް ތުހުމަތުކޮށް ފުލުހުން ޖިނާއީ ތަހުގީގެއް ފަށާފައިވާ ހަސަން މަމްދޫހު (މަންޑޭ) ރާއްޖެއިން ފުރަން އުޅެނިކޮށް ފުލުހުން އޭނާ ހައްޔަރުކޮށްފި އެވެ.
މައްސަލައިގެ ފެށުން - ކޭޕާކް ފްލެޓްތައް އިމާރާތް ކުރާ ހަމްބޯ ކުންފުނީގެ މައިނޯރިޓީ ހިއްސާދާރު މަމްދޫހުގެ މައްޗަށް ކުރެވޭ ތުހުމަތުތަކާ ގުޅިގެން އޭނާގެ ޕާސްޕޯޓް ކޯޓް އަމުރެއްގެ ދަށުން ހިފަހައްޓާފައި ވަނިކޮށް އިއްޔެ ކްރިމިނަލް ކޯޓުން ވަނީ އޭނާގެ ޕާސްޕޯޓް ހިފެހެއްޓުމުގެ އަމުރު ބާތިލްކޮށްފަ އެވެ.
އެއާ އެކު، ރޭ އޭނާ ރާއްޖެއިން ބޭރަށް ފުރަން މަސައްކަތް ކުރި ކަމަށް ވަނީ އެނގިފަ އެވެ.
ވީ ކިހިނެއް؟ - އެހެން ނަމަވެސް، ފުލުހުން މިއަދު ވަނީ ހުޅުމާލޭ މެޖިސްޓްރޭޓް ކޯޓުން އޭނާ ހައްޔަރުކުރުމުގެ އަމުރެއް ހޯދައިފަ އެވެ. ފުލުހުންގެ އޮފިޝަލަކު 'ދައުރު'އަށް ޔަގީންކޮށްދެއްވި ގޮތުގައި މިއަދުގެ ވަގުތެއްގައި ފުލުހުން ވަނީ މަމްދޫހު ހައްޔަރުކޮށްފަ އެވެ.