ގޯތި ލިބޭ މަޖިލިސް މެމްބަރުން: އެމްޑީޕީގެ 5، ޑިމޮކްރެޓްސްގެ 4، އެމްއެންޕީގެ 1

• 1-

  ހެންވޭރު އުތުރު ދާއިރާގެ މެމްބަރު އިބްރާހިމް މުއިއްޒު (އެމްޑީޕީ) - އޭނާ އެކަނި ހުށަހެޅުއްވި ފޯމަށް 69.16 މާކްސް ލިބިފައިވޭ

• 2-

  ހެންވޭރު ހުޅަނގު ދާއިރާގެ މެމްބަރު ހަސަން ލަތީފް (ޑިމޮކްރެޓްސް) - އޭނާއާ އެކު ޖުމްލަ ހަތް މީހަކު ހިމެނޭ އެ ފޯމު ލީ އެންމެންގެ ޝަރުތު ހަމަވެގެން 100.26 މާކްސް ލިބިފައިވޭ
  

• 3-

  މައްޗަންގޯޅި އުތުރު ދާއިރާގެ މެމްބަރު މުހައްމަދު ރަޝީދު (ޑިމޮކްރެޓްސް) - އޭނާއާ އެކު ޖުމްލަ ހަ މީހަކު ހިމެނޭ އެ ފޯމު ލީ އެންމެންގެ ޝަރުތު ހަމަވެގެން 91.07 މާކްސް ލިބިފައިވޭ
  

• 4-

  މައްޗަންގޯޅި ދެކުނު ދާއިރާގެ މެމްބަރު އަހުމަދު ހައިތަމް (އެމްޑީޕީ) - އޭނާއާ އެކު ޖުމްލަ ތިން މީހަކު ހިމެނޭ އެ ފޯމު ލީ އެންމެންގެ ޝަރުތު ހަމަވެގެން 79.69 މާކްސް ލިބިފައިވޭ
  

• 5-

  މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (ޑިމޮކްރެޓްސް) - އޭނާއާ އެކު ޖުމްލަ ހަ މީހަކު ހިމެނޭ ގޮތަށް ލީ އެ ފޯމުގައި ބައިވެރިވި ދެ މީހަކު ޝަރުތު ހަމައެއް ނުވޭ؛ ބާކީ ތިބި ހަތަރު މީހުން ޝަރުތު ހަމަވެގެން 76.18 މާކްސް ލިބިފައިވޭ
  

• 6-

  މާފަންނު ހުޅަނގު ދާއިރާގެ މެމްބަރު މުހައްމަދު ފަލާހް (އެމްޑީޕީ) - އޭނާއާ އެކު ޖުމްލަ ދެ މީހަކު ހިމެނޭ ގޮތަށް ލީ އެ ފޯމުގައި ބައިވެރިވި އެކަކު ޝަރުތު ހަމައެއް ނުވޭ؛ ބާކީ އިން މީހާ ޝަރުތު ހަމަވާއިރު، އޭނާއަށް އެހެން މީހަކާ ބައިވެރިވެގެން ގޯތި ހޯދުމުގެ ފުރުސަތު އޮންނާނެ
  

• 7-

  މާފަންނު މެދު ދާއިރާގެ މެމްބަރު އިބްރާހިމް ރަޝީދު (ޑިމޮކްރެޓްސް) - އޭނާއާ އެކު ޖުމްލަ ތިން މީހަކު ހިމެނޭ އެ ފޯމު ލީ އެންމެންގެ ޝަރުތު ހަމަވެގެން 72 މާކްސް ލިބިފައިވޭ
  

• 8-

  ވިލިމާލޭ ދާއިރާގެ މެމްބަރު އަހުމަދު އުޝާމް (އެމްއެންޕީ) - އޭނާއާ އެކު ޖުމްލަ ފަސް މީހަކު ހިމެނޭ އެ ފޯމު ލީ އެންމެންގެ ޝަރުތު ހަމަވެގެން 82.72 މާކްސް ލިބިފައިވޭ

• އައްޑޫ މީދޫ ދާއިރާގެ މެމްބަރު ރޮޒައިނާ އާދަމް އަދި އޭނާގެ ފިރިކަލުން، ކިނބިދޫ ދާއިރާގެ މެމްބަރު މުހައްމަދު ނާޝިޒް (އެމްޑީޕީ) - އެ ދެކަނބަލުންނާއި އެ ބޭފުޅުންގެ ދަރިކަނބަލަކު ހިމެނޭ ގޮތަށް ޖުމްލަ ތިން މީހަކު ހިމެނޭ އެ ފޯމު ލީ އެންމެންގެ ޝަރުތު ހަމަވެގެން 71.59 މާކްސް ލިބިފައިވޭ

• މިއަދު ގެޒެޓުކުރި 5،000 ގޯތީގެ ލިސްޓަކީ "ލައިވް" ނުވަތަ އަޕްޑޭޓްކުރަމުން ދާނެ ލިސްޓެއް؛ އެ ލިސްޓު އަދާހަމަ ކުރަމުން ގޮސް، ގޯއްޗަށް ޝަރުތު ހަމަވާ އެންމެންނަށް ގޯތި ލިބޭނެ

• ޝަރުތު ހަމަ ނުވާ މީހުންނަށް ގޯތި ނުލިބޭ ސަބަބު 'ގެދޮރުވެރިން' ޕޯޓަލް މެދުވެރިކޮށް އެނގެން ހުންނާނެ

• 'ބިންވެރިޔާ' ސްކީމްގެ ދަށުން ހުށަހަޅާފައިވާ 15،164 ފޯމުގެ ތެރެއިން ޝަރުތު ހަމަވެފައިވަނީ 12،794 ފޯމު

• އެއީ ޖޮއިންޓް-އެޕްލިކޭޝަންތައް ހިމެނޭ ގޮތަށް ޖުމްލަ 19،857 މީހުން

• ފޯމުގައި ހިމެނޭ އެކަކު ޝަރުތު ހަމަނުވިޔަސް، ޝަރުތު ހަމަނުވާ މީހާ ބާކީ ކުރުމަށް ފަހު އެއީ ޝަރުތު ހަމަވާ ފޯމެއް ކަމަށް ބަލާނެ

ބިންވެރިޔާ ސްކީމް

• ފޯމަކަށް ލިބޭނެ ގޯތީގެ އެންމެ ކުޑަ ސައިޒަކީ 1،250 އަކަފޫޓު

• ޖޮއިންޓް އެޕްލިކޭޝަނެއް ނުވަތަ އެކަކަށް ވުރެ ގިނަ މީހުންގެ ނަމުގައި ހުށަހަޅާ ފޯމުތަކަށް، އިތުރަށް ބައިވެރިވާ ކޮންމެ މީހަކަށް 400 އަކަފޫޓު ގޯތީގެ ބޮޑުމިނަށް އިތުރު ކުރެވޭނެ

• ހަތް މީހުންނަށް ވުރެ ގިނަ މީހުން ޖޮއިންޓް އެޕްލިކޭޝަނުގައި ބައިވެރިވާ ނަމަ، އެ ފޯމަކަށް ލިބޭނީ ޖުމްލަ 4،000 އަކަފޫޓު

ނޯޓް: މި ހަބަރު އެންމެ ފުރަތަމަ ޝާއިއުކުރިއިރު، ގޯތި ލިބެނީ އެމްޑީޕީގެ ތިން މެމްބަރަކަށް ކަމަށް ލިޔެވިފައި ވަނީ މައުލޫމާތުގެ ކުށަކުންނެވެ. ރަނގަޅު ގޮތަކީ އެމްޑީޕީގެ ފަސް މެމްބަރަކަށް ގޯތި ލިބެ އެވެ.