ޑިޖިޓަލް އައިޑީ ކާޑު. (ދައުރު ފޮޓޯ/އިބްރާހިމް އިފާޒް)
ޑިޖިޓަލް އައިޑީ ތަޖުރިބާކުރުމުގެ ފުރުސަތު އާންމުންނަށް ހުޅުވާލައިފި
ދައުލަތުން ފޯރުކޮށްދޭ ގިނަ ހިދުމަތްތަކެއްގައި ބޭނުންކުރެވޭ ގޮތަށް ތަރައްގީކުރަމުން އަންނަ ޑިޖިޓަލް އައިޑީ ކާޑު ތަޖުރިބާކުރުމުގެ ފުރުސަތު އާންމުންނަށް މިއަދު ހުޅުވާލައިފި އެވެ.
ވީ ކިހިނެއް؟ - ޑިޖިޓަލް އައިޑީ ކާޑު ތައާރަފުކުރުމުގެ ކުރިން އެ ހިދުމަތް ތަޖުރިބާކުރުމުގެ ފުރުސަތު އެންޑްރޮއިޑް އަދި އައިއޯއެސް ބޭނުން ކުރާ މީހުންނަށް ވެސް ވަނީ ހުޅުވާލައިފަ އެވެ.
މީގެ ކުރިން އެ ހިދުމަތް ތަޖުރިބާ ކުރުމުގެ ފުރުސަތު ދިނީ އެކަމަށް ހުޅުވާލި ފުރުސަތުގައި ރަޖިސްޓްރީ ކުރި، އެންޑްރޮއިޑް ބޭނުންކުރާ 500 މީހުންނަށް އެކަންޏެވެ. ނަމަވެސް، މިއަދު އައިއޯއެސް ވެސް ހިމެނޭ ގޮތަށް މި ހިދުމަތް އާންމުކޮށް ހުޅުވާލާފަ އެވެ.
📣 Exciting News! 🚀 We're thrilled to announce the public preview launch of the National Digital Identity, our eFaas mobile app! Join us and be one of the first to try it out!
— eFaas (@eFaasmv) May 31, 2023
📱: https://t.co/Lb28wRdjFH
🍎: https://t.co/65jeYVsDle #efaas #digitalidentity #DigitalMaldives pic.twitter.com/8t8b9ISwsA
ތަފްސީލް - އައިޑީކާޑުގެ އިތުރުން މި ޑިޖިޓަލް އައިޑީގައި ހިމެނެނީ:
-
އެއްގަމު އުޅަނދު ދުއްވުމުގެ ލައިސަންސް
-
ކައިވެނީގެ ސެޓްފިކެޓް
-
އާއިލީ މެމްބަރުންގެ މައުލޫމާތު
-
އެ މީހަކު ޝާމިލުވާ ވިޔަފާރިއެއް އޮތް ނަމަ އެ މައުލޫމާތު
-
ސިވިލް ސާވިސްގައި ވަޒީފާ އަދާކުރާ ނަމަ އެ މައުލޫމާތު
-
އާސަންދައިގެ މައުލޫމާތު
ގުޅުން ހުރި ކަމެއް - ޑިޖިޓަލް އައިޑީ ކާޑު ހިމެނޭ ގޮތަށް ރާއްޖޭގެ ޓެކްނޮލޮޖީ ސިނާއަތް ތަރައްގީކުރަން ވޯލްޑް ބޭންކުން ވަނީ މިދިޔަ އަހަރު 10 މިލިއަން ޑޮލަރު ދީފަ އެވެ.
އެނގުން މުހިންމު - މީގެ ކުރިން ސަރުކާރުން ބުނެފައިވަނީ މިދިޔަ އަހަރުގެ ފަހު ކުއާޓަރުގައި ޑިޖިޓަލް އައިޑީ ތައާރަފުކުރުމަށް މަސައްކަތް ކުރަމުންދާ ކަމަށެވެ.
ނަމަވެސް، މި އަހަރު ރައީސް އިބްރާހިމް މުހައްމަދު ސޯލިހް ދެއްވި ރިޔާސީ ބަޔާނުގައި ވިދާޅުވީ ޑިޖިޓަލް އައިޑީ އާއި 'ވަން-ގަވް ' ހިދުމަތް މި އަހަރުގެ ތެރޭގައި ތައާރަފްކުރުމުން:
-
އައިޑީ ކާޑާއި އެކި ލިޔުންތަކުގެ ކޮޕީ ތަކުރާރުކޮށް ސަރުކާރަށް ހުށަހަޅަން ނުޖެހޭނެ
-
ކިޔޫގައި ނުޖެހި މިނިސްޓްރީތަކާއި އިދާރާތަކުުގެ ހިދުމަތް ލިބޭނެ
-
އާންމުންނަށް ހިދުމަތް ދޭ ބައެއް ތަންތަން އޮންލައިން ވެގެން ދާނެ
-
އޮންލައިންކޮށް ހިދުމަތް ހޯދަން ދަތި މީހުންނަށް ފިޒިކަލް އެކްސްޕީރިއަންސް ސެންޓަރުތައް ހަދާނެ
ކޮމެންޓް (1)
ވަވްވަވް