ރަސްދޫގެ މަތިން ނަގާފައިވާ ފޮޓޯއެއް: އެ ރަށު ޕޮލިސް ސްޓޭޝަނުން މީހަކު (ދައުރު ފޮޓޯ/ އައިމިނަތު ޝިފްލީން)
ރަސްދޫގައި ފުލުހުންގެ ބަންދުގައި ހުރި މީހަކު ފިލައިފި
އއ. ރަސްދޫ ޕޮލިސް ސްޓޭޝަންގައި ހައްޔަރުކޮށްފައި ހުރި ގައިދީއަކު އިއްޔެ ފިލައިފި އެވެ.
ވީ ކިހިނެއް؟ - އެ ޕޮލިސް ސްޓޭޝަނުން ބަލަމުންދާ މައްސަލައެއްގައި ހައްޔަރުކޮށްފައި ހުއްޓާ ފިލާފައިވަނީ، އުމުރުން 25 އަހަރުގެ ދިވެހި ފިރިހެނެކެވެެ.
ތަފްސީލު - ފުލުހުން މީޑީއާތަކަށް ފޮނުވި މެސެޖްގައި ބުނީ، އެ މީހާ ފިލާފައިވަނީ ގޮޅިން ނެރެފައި ހުއްޓާ ކަމަށެވެ.
"މީހާ ހޯދުމުގެ މަސައްކަތް ފުލުހުން ދަނީ ކުރަމުން. އެ މީހާއަކީ ޝަރީއަތް ނިމެންދެން ބަންދުކޮށްފައި ހުރި މީހެއް،" ފުލުހުންގެ މެސެޖްގައި ބުނެފައިވެ އެވެ.
އެމީހާ ފިލާފައިވަނީ ޕޮލިސް ސްޓޭޝަންގެ ތަނެއް ފަޅާލައިގެން ކަމަށް ބައެއް ޝޯޝަލް މީޑީއާ ޕްލެޓް ފޯމުތަކުގައި އަޑުއަރުވާފައިވެ އެވެ. ނަމަވެސް ފުލުހުން އެކަން ދޮގު ކުރެ އެވެ.
"އަދި ފިލި މީހާ ރަސްދޫ ޕޮލިސް ސްޓޭޝަނުން އެއްވެސް އެއްޗެއް ގެންގޮސްފައި ނުވޭ." އޭނާ ފިލީ މީހުން ހައްޔަރުކުރުމުގައި ފުލުހުން ގެންގުޅޭ ބިޑިއަކާއި އޭގެ ތަޅުތަނޑި ހިފައިގެން ކަމަށް ދެކެވޭ ވާހަކަ ވެސް ފުލުހުން ވަނީ ދޮގުކޮށްފަ އެވެ.