އިނގިރޭސި ރަސްގެފާނު ޗާލްސް ރަސްކަމަށް ކޮލިލުމުގެ ރަސްމިއްޔާތުގައި ބައިވެރިވެވަޑައިގަތުމަށް އިނގިރޭސިވިލާތަށް ފުރާވަޑައިގަތުމަށް ރައީސްގެ ދެކަނބަލުން އަދި ނައިބު ރައީސް ފައިސަލް ނަސީމް މިރޭ އެއާޕޯޓުގައި. (ފޮޓޯ/ރައީސް އޮފީސް
ޗާލްސް ރަސްކަމަށް ކޮލިލުމުގެ ރަސްމިއްޔާތަށް ރައީސް އިނގިރޭސިވިލާތަށް ފުރާވަޑައިގެންފި
އިނގިރޭސި ރަސްގެފާނު ޗާލްސް ތިން ވަނަަ ރަސްކަމަށް ކޮލިލުމުގެ ރަސްމިއްޔާތުގައި ބައިވެރިވެވަޑައިގަތުމަށް ރައީސް އިބްރާހިމް މުހައްމަދު ސޯލިހުގެ ދެކަނބަލުން މިރޭ އިނގިރޭސިވިލާތަށް ފުރާވަޑައިގެންފި އެވެ.
އެނގުން މުހިއްމު - ރަސްގެފާނު ޗާލްސް ރަސްކަމަށް ކޮލިލުމުގެ ރަސްމިއްޔާތު އޮންނާނީ އަންނަ ހޮނިހިރު ދުވަހު އެވެ.
ވީ ކިހިނެއް؟ - ރައީސް އޮފީހުން މިރޭ ނެރުނު ކުރު ބަޔާނެއްގައި ވަނީ ރައީސްގެ ދެކަނބަލުން ފުރާވަޑައިގެންނެވި ކަމަށް ބުނެފަ އެވެ. ނަމަވެސް، އެ ދެކަނބަލުން އެނބުރި ރާއްޖެ ވަޑައިގަންނަވާނެ ދުވަހެއް އެ އޮފީހަކުން ނުބުނެ އެވެ.
ތަފްސީލް - ރައީސް އޮފީހުގެ ތަރުޖަމާނު މިއުވާން މުހައްމަދު މިއަދު ހެނދުނު ކުރެއްވި ޓުވީޓެއްގައި ވިދާޅުވެފައިވާ ގޮތުގައި:
-
މި ދަތުރުފުޅުގައި، ކޮމަންވެލްތު ގައުމުތަކުގެ ލީީޑަރުންގެ ހަރަކާތެއްގައި ވެސް ރައީސް ބައިވެރިވެވަޑައިގަންނަވާނެ
-
ބޭރުގެ އިއްޒަތްތެރިންނަށް ބާއްވާ ހަފްލާގައި ވެސް އެ މަނިކުފާނު ބައިވެރިވެވަޑައިގަންނަވާނެ
ރަސްގެފާނު ޗާލްސް، އިނގިރޭސި ތަހުތަށް ވަޑައިގަތީ މަންމާފުޅު، ކުއީން އެލިޒަބަތު މިދިޔަ ސެޕްޓެމްބަރު މަހު އަވަހާރަވުމުންނެވެ. ރާނީގެ ޖަނާޒާގައި ބައިވެރިވެވަޑައިގަތުމަށް ވެސް ރައީސް ސޯލިހު އޭރު ލަންޑަނަށް ވަޑައިގެންނެވި އެވެ.