ރާއްޖެ-ޗާގޯސް ކަނޑުގެ އިން ވަކިކުރުމުގެ މައްސަލަ ރާއްޖޭން ކާމިޔާބުކޮށް، ބޮޑު ބައި ހޯދައިފި

• އދ.ގެ އާންމު މަޖިލީހުން އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ)ގެ އިސްތިޝާރީ ލަފަޔަކަށް އެދުމުން، 2019ގައި އިސްތިޝާރީ ލަފާ ދިނީ ޗާގޯސް ރަށްތަކަކީ މޮރިޝަސްގެ ސިޔާދަތީ ބާރުގެ ދަށުގައިވާ ތަނެއް ކަމަށް 

• ހަމަ އެ އަހަރު، ހަ މަސްދުވަހުގެ ތެރޭގައި މޮރިޝަސްއާ ޗާގޯސް ހަވާލުކުރުމަށް އިނގިރޭސިވިލާތަށް ގޮވާލައި ގަރާރެއް އދ.ގެ އާންމު މަޖިލީހުން ފާސްކުރި 

• ރާއްޖެއާ އިން ވަކިކުރުމަށް މޮރިޝަސް އިން އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް)އަށް ދިޔައީ ވެސް އައިސީޖޭގެ އިސްތިޝާރީ ލަފަޔަށް ބިނާކޮށް

މައްސަލައިގެ ހުލާސާ

• މޮރިޝަސް އިން ހުށައެޅީ ފުށުއަރާ 95،600 އަކަ ކިލޯމީޓަރު ދެ ބަޔަށް ބަހާލަން؛ އޭރުން ރާއްޖެއަށް 47،172 އަކަކިލޯމީޓަރު އަދި މޮރިޝަސްއަށް 48،458 އަކަ ކިލޯމީޓަރު ލިބޭނެ

• މޮރިޝަސް އިން ވަކާލާތުކުރީ، ޗާގޯސް އާކިޕެލެގޯގެ އައްޑުއާ އެންމެ ކައިރިން އޮންނަ ބްލެންހެމް ފަރުގެ އުތުރުކޮޅުން ފެށިގެން 200 މޭލަކީ އެ ގައުމުގެ އީއީޒެޑްގެ ތެރޭގައި ހިމެނޭ ބައެއް ކަމަށް؛ އެހެންވެ، ރާއްޖޭގެ އިގްތިސާދީ ސަރަހައްދު ކަމަށް މިހާރު ބަލާ ސަރަހައްދާ ފުށުއަރާ ކަމަށް

• މޮރިޝަސް އިން މިދިޔަ އަހަރުގެ ފެބްރުއަރީގައި ޓީމެއް ފޮނުވައިގެން އެ ފަރުގެ ދިރާސާއެއް ކުރި؛ އެ ދިރާސާ އިން އެ ފަރުގައި ހިކި ދިޔައިގައި ފެނުން މަތީގައި ހުންނަ ބޮޑެތި ސަރަހައްދުތަކެއް ފާހަގަކުރެވިފައިވާ ކަމަށް މޮރިޝަސް އިން އިޓޮލްސްގައި ކުރިން ބުނެފައިވޭ

• ރާއްޖޭން ބުނީ، އެ ފަރަކީ ބޮޑު ދިޔައިގައި ފެނުން މަތީގައި އޮންނަ ތަނެއް ނޫން ކަމަށް އަދި އެއީ ޗާގޯސްގެ ސީދާ ބައެއް ވެސް ނޫން ކަމަށް؛ އެ ފަރުން ފެށިގެން 200 ނޯޓިކަލް މޭލު ބަލާ ނަމަ، މޮރިޝަސްއަށް ނުހައްގުން 4،690 އަކަ ކިލޯމީޓަރުގެ ސަރަހައްދެއް ލިބޭނެ ކަމަށް ރާއްޖޭން ބުނޭ

• އެހެންވެ، ރާއްޖޭން ވަކާލާތުކުރީ 200 ނޯޓިކަލް މޭލު ބަލަން ޖެހޭނީ ކުރިން އިނގިރޭސިވިލާތާ އެކު ވެސް އެއްބަސްވެފައިވާ ގޮތަށް އަދި ރާއްޖޭގެ ކަނޑުތަކުގެ ގާނޫނުގައި ކަނޑައަޅާފައިވާ ގޮތަށް ކަމަށް

• ބަންޑާރަ ނައިބު އިބްރާހިމް ރިއްފަތު

• ޑެޕިއުޓީ އެޓާނީ ޖެނެރަލް ހަދީޖާ ޝަބީން
  

• ރާއްޖޭގެ ގާނޫނީ ޓީމުގައި އިސްކޮށް ހުންނެވި ޕްރޮފެސަރު ޕާޔަން އަހަވަން
  

• ރާއްޖޭގެ ގާނޫނީ ޓީމުގައި ހިމެނިވަޑައިގެންނެވި ޖީން-މާކް ތައުވެނިން
  

• އާކިޕެލޭގޯ ނުވަތަ ޖަޒީރާ ގައުމުތަކުގެ އައްސޭރިފަށުގެ ގޮތުގައި ފެނުން މަތީގައި ހުންނަ ފަރުތައް ހިމެނިދާނެެ ކަމަށް ބައިނަލްއަގުވާމީ ކަނޑުތަކާ ބެހޭ ގާނޫނުގައި ބުންޏަސް، އިން ވަކިކުރުން ފަދަ ކަންކަމުގައި އެފަދަ ފަރުތަކުން ބޭސްޕޮއިންޓް ނެގިދާނެ ކަމަށް ގާނޫނުގައި ކަނޑައެޅިގެން ބުނެފައެއް ނުވޭ

• ފެނުން މަތީގައި އޮންނަ ފަރަކީ، ބޭސްޕޮއިންޓް ކަނޑައެޅުމުގައި ރަށެއްގެ ދަރަޖަ ދެވިދާނެ ތަނެއް ކަމަށް ގާނޫނުގެ ދަށުން ބެލޭކަށް ނެތް
  

• ހިކި ދިޔައިގައި ފެނުން މަތީގައި ހުންނަ ފަރުގެ ތަންތަންކޮޅު، ކަނޑުއަޑިން ފަރުގެ ބައިތަކާ ގުޅިލާމެހި، އެއީ ފެނުން މަތީގައި އޮންނަ އެއް ފަރެއް ކަމަށް ބެލޭނެ ކަމަށް މޮރިޝަސް އިން ވަކާލާތު ކުރިޔަސް، ޗެމްބަރުން ނިންމީ އެ ނުކުތާއާ ދެކޮޅަށް؛ އެ ނުކުތާއަށް ބާރުދިނުމަށް މޮރިޝަސް އިން ހުށަހެޅި ޗާޓުތަކަކީ "ގަބޫލުކުރެވޭ ވަރުގެ ހަރުދަނާ ހެއްކެއް" ކަމަށް ގަބޫލުނުކުރަން ވެސް ޗެމްބަރުން ނިންމި
  

• މޮރިޝަސްގެ 200 ނޯޓިކަލް މޭލުގެ ސަރަހައްދު ކަނޑައެޅުމުގައި، ބްލެންހެމް ފަރުގެ ވަށައިގެންވާ ސަރަހައްދު ފިޔަވައި އެހެން ތަންތަނުގައި ބަލާފައި ވަނީ މޮރިޝަސްގެ އައްސޭރިފަށުގެ ބޭސްޕޮއިންޓްތަކުން

• ބްލެންހެމް ފަރުގެ ވަށައިގެންވާ ސަރަހައްދުން ބޭސްޕޮއިންޓް ކަނޑައަޅާފައި ވަނީ، ހިކި ދިޔައިގައި ލޮނުގަނޑު ހުންނަ ވަރަށް ބަލައިގެން ފަރުގެ އުތުރު ފަރާތުން 12 ނޯޓިކަލް މޭލުގެ ސަރަހައްދެއް
  

• ރާއްޖެއަށް - 47،232 އަކަ ކިލޯމީޓަރު

• މޮރިޝަސްއަށް - 45،331 އަކަ ކިލޯމީޓަރު

ކޮންޓިނެންޓަލް ޝެލްފްގެ މައްސަލައިގައި ގޮތެއް ނުނިންމާ

• ކޮންޓިނެންޓަލް ޝެލްފް 200 ނޯޓިކަލް މޭލަށް އިތުރުކުރުމުގެ މައްސަލައިގައި އެއްވެސް ގޮތެއް ނިންމުމުގެ ބާރު އިޓްލޮސްއަށް ލިބިފައި ނުވާ ކަމަށް ރާއްޖޭން ވަކާލާތުކުރިޔަސް، އޭގެ ސަބަބުން އީއީޒެޑްގެ ފުށުއަރާ ސަރަހައްދު ބެހުމުގެ މައްސަލައަށް އަސަރުކުރާތީ އެކަމާ ގުޅޭ ގޮތުން އިޓްލޮސްއަށް ވެސް ގޮތްތަކެއް ނިންމިދާނެ ކަމަށް ޗެމްބަރުން ނިންމި

• މޮރިޝަސް އިން އެކަށީގެންވާ މުއްދަތެއްގައި ސީއެލްސީއެސްއަށް ހުށަހަޅަން ޖެހޭ ހުށަހެޅުންތައް ހުށަހަޅާފައި ނުވާތީ، ކޮންޓިނެންޓަލް ޝެލްފް 200 ނޯޓިކަލް މޭލަށް އިތުރުކުރުމުގެ މައްސަލައިގައި އިޓްލޮސްއަށް ގޮތެއް ނުނިންމޭނެ ކަމަށް ރާއްޖޭން ނެގި ނުކުތާ ބަލައިނުގަތުމަށް ވެސް ޗެމްބަރުން ނިންމި
  

• ކޮންޓިނެންޓަލް ޝެލްފްގެ މައްސަލައިގައި ދެ ގައުމުގެ ދެމެދު ބޮޑު އުފެދިފައިވާ ހިޔާލު ތަފާތުވުން ބޮޑުކަން ފާހަގަކޮށް، އިޓްލޮސް އިން ބުނީ ދެ ގައުމުން ސީއެލްސީއެސްއަށް ހުށަހަޅާފައިވާ ހުށަހެޅުންތަކާ މެދު ގޮތެއް ނިންމުމަށް ދެ ގައުމުން އަދި އެ ކޮމިޝަނަށް ހުއްދަ ވެސް ނުދޭ ކަމަށް
  

• އެހެންވެ، ކޮންޓިނެންޓަލް ޝެލްފްގެ މައްސަލައިގައި އިޓްލޮސްއަށް ވެސް ގޮތްތަކެއް ނިންމޭނެ ކަމަށް ކަނޑައެޅިޔަސް، ސީއެލްސީއެސްގައި މައްސަލަ ކުރިއަަށް ދާތީ، މޮރިޝަސްއަށް ލިބޭ ކޮންޓިނެންޓަލް ޝެލްފްގެ ބަަައި ކަނޑަނާޅަން އިޓްލޮސް އިން ނިންމި
  

• އުތުރުން ރާއްޖެ އޮންނަނީ އިންޑިއާއާ އިންވެގެން؛ އެހެންވެ، ދެ ގައުމުގެ ދެމެދު އީއީޒެޑް ބަހާލުމުން ރާއްޖެއަށް ލިބެނީ ގާތްގަނޑަކަށް 60 ނޯޓިކަލް މޭލުގެ ސަރަހައްދެއް 

• އިރުމަތީ ފަރާތުން ސްރީ ލަންކާގެ އީއީޒެޑާއި ރާއްޖޭގެ އީއީޒެޑް ފުށުއަރާ ހިސާބުން ރާއްޖޭގެ އީއީޒެޑްގެ ބޮޑުމިނަކީ 140 ނޯޓިކަލް މޭލު 

• އިރުމަތީ ފަރާތުން ސްރީ ލަންކާއިން ނެއްޓޭ ހިސާބުން 200 ނޯޓިކަލް މޭލު ލިބޭ

• ތަފުސީލުކޮށްދިނުން: ރާއްޖެ-މޮރިޝަސް މައްސަލައިގެ ފަސްމަންޒަރު
  

• ދެކުނުން ރާއްޖޭގެ އީއީޒެޑް ކަނޑައެޅުން މިއަދު